Olar – beıbitshilik, áıelder jáne jastar. Muny Rım papasy da atap ótken. Sondaı-aq eń mańyzdy sózder nemese uǵymdar mynalar: Qazaqstan jáne onyń halqy; adamnyń qadir-qasıeti, adam quqyqtary; dıalog; dinı senim bostandyǵy; baýyrlastyq; demokratııa; zaıyrly memleket arqyly din men saıasattyń salamatty qarym-qatynasy.
Rım papasy Fransısk Qazaqstandy jáne qazaq halqyn óz ýaǵyzynda jıyrma ret atapty. Qazaqstan «keń-baıtaq» jáne «ejelgi jer». Álemdegi alyp jáne negizgi qurlyǵy Azııanyń qaq ortasynda ornalasqan meken – din kóshbasshylary kezdesetin taptyrmas jer. 2001 jyldyń qyrkúıeginde AQSh-qa jasalǵan lańkestik áreketten 11 kún ótken soń Qazaqstanǵa kelgen Rım papasy II Ioann Paveldiń sózin mysalǵa keltirgen Rım papasy Fransısk sizdiń eldi qaharmandar men dindarlardyń, jer aýdarylǵandar men batyrlar, zııalylar eli ekenine nazar aýdardy. Qazaqstanda mádenıettiń, adamgershiliktiń jáne tózimniń tarıhı dańqy qalyptasqan. Alaıda qazaqtar bastan ótkergen ádiletsizdiktiń sary ýaıymyna salynbaı, ózara tatýlyq pen beıbitshilik jolyn tańdady.
Rım papasy Fransısk Qazaqstanǵa «beıbitshilik jarshysy, dıalog pen birlik izdep» kelgenin rastady. Biz de ózimizdi dál osylaı aıta alamyz. Qasıetti áke dinaralyq dıalogti jaqtaıdy. Sonymen qatar bul qadam tynyshtyqty jaqtap, qaqtyǵystardy boldyrmaýǵa, túsinistik pen kópjaqtylyqty nyǵaıtýǵa, beıbit jáne turaqty álem qurý jolyndaǵy qajetti qural retinde qarastyrdy.
Mundaı kelisim barshamen túsinistikte bolý, shydamdylyq tanytýdy qoldaıdy. Osy turǵyda Rım papasy Qazaqstandy ıadrolyq qarýdan bas tartqanyna, energetıkalyq jáne ekologııalyq saıasatty ázirleýdegi kúsh-jigeri jáne dinaralyq dıalogti ilgeriletýin joǵary baǵalaıdy.
Haled AKAShE,
Vatıkan, Qasıetti Taqtyń Dinaralyq dıalog jónindegi Dıkasterııasy Islam máseleleri bıýrosynyń basshysy, monsınor
