Osy jyldyń 9-10 qazanynda Atyraý qalasyndaǵy «Aq jelken» bıznes ortalyǵynyń májilis zalynda din máseleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵynyń», «Aqnıet» QQ, ««Shapaǵat» destrýktıvti dinı aǵymdardan japa shekkenderge kómek kórsetý ortalyǵy» QQ, meshitterdiń jáne t.b. mamandary, ımamdary, psıhologtary men teologtary qatysty. Jıynda din máseleleri boıynsha túsindirý tobynyń músheleri – pedagogıka jáne psıhologııa mamany Toıǵanov Myrzabek Sardarbekuly, «Áleýmettaný» ǵylymdarynyń kandıdaty Jaqııanov Talǵat Járdemqululy, dintanýshy, teolog Ospanov Dálelhan, dintanýshy Myrzaev Balǵabek Ábdiqaıymuly semınar oqydy.
Toıǵanov Myrzabek Sardarbekuly «Metody raboty s selevymı aýdıtorııamı po profılaktıke vovlechenııa v destrýktıvnye relıgıoznye techenııa» taqyryby aıasynda qatysýshylarǵa destrýktıvti dinı aǵym jeteginde ketken otbasylarmen áńgime júrgizý, baılanys ornatý jáne ózin-ózi ustaý joldaryn túsindirdi. Onyń ústine, «Metodıcheskıe aspekty deradıkalızasıı osýjdennyh za ekstremıstskıe ı terrorıstıcheskıe prestýplenııa» taqyrybymen jazasyn óteýshilerdiń arasynda tárbıe jáne áleýmettik jumys júrgizý, psıhologııalyq beınesin anyqtaý jáne jaǵdaıdyń kúrdelenýine jol bermeý tásilderi týraly sóz qozǵady.
Jaqııanov Talǵat Járdemqululy «Zaıyrlylyq qoǵamdyq kelisim men turaqtylytyń negizi retinde» taqyrybynda jalpy teorııalyq aqparat berip, qatysýshylarmen jumys jasady. Sondaı-aq, «Qazaqstandaǵy dinı ahýal: negizgi máseleler men tendısııalar» taqyrybymen Qazaqstandaǵy dinı jaǵdaılardy túsindire otyra, oǵan qatysty kúrdeli suraqtarǵa jaýap berý ádisterin úıretti.
Ospanov Dálelhan «Islam álemindegi alaýyzdyqtyń sebepteri men sheshý joldary» taqyryby aıasynda qatysýshylarǵa ıslam dinindegi kúrdeli problemalar men asqynyp turǵan máselelerdi túsindire otyra, ıslam áleminiń birligi jolynda turǵan negizgi kedergiler jáne onymen kúres joly jaıynda aıta ketti. Onyń ústine, «Ońaltý jumystaryn tıimdi júrgizý joldary» taqyrybymen mamandarǵa jumys barysynda jaǵdaıdyń kúrdelenýine jol bermeý tásilderi men ońaltý qaǵıdalary týraly sóz qozǵady.
Myrzaev Balǵabek Ábdiqaıymuly «Qazaqstan Respýblıkasyndaǵy radıkaldyq jáne ekstremıstik baǵyttaǵy dinı aǵymdar jáne olardyń belsendiligi týraly» taqyryby aıasynda tyńdaýshylarǵa destrýktıvti dinı aǵymdardyń qoǵamǵa qaýpi, neke jáne otbasy ınstıtýtyna, adam densaýlyǵyna qateri týraly aıtyp ótti. Sondaı-aq, «Zaıyrlylyq jáne onyń dinı birlestiktermen qarym-qatynasynyń negizgi prınsıpteri» taqyrybynda zaıyrlylyq, zaıyrly memleket: uǵymy, máni, sıpaty, zaıyrly ádep negizderi týraly sóz qozǵady.
Sonymen qatar, semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.
