«О́tken aıda eńbek naryǵyndaǵy suranystyń ósýi usynystyń ósýinen eki ese asyp tústi. EEB-daǵy bos jumys oryndarynyń sanyn arttyrýdyń draıveri «Bilim jáne tárbıe» kásibı salasy boldy. Dál osy salada qyrkúıek aıynda EEB-ǵa suranystyń báseńdeýi baıqaldy, óıtkeni bilim berý mekemeleri tarapynan kadrlarǵa suranys tómendedi. Suranystyń tómendeýine qaramastan, qyrkúıek aıynda bilim berý uıymdary basqa salalarmen salystyrǵanda eń kóp bos jumys oryndaryn ornalastyrdy. Bilim berýdiń ártúrli deńgeılerindegi mekemeler ornalastyrǵan bos jumys oryndarynyń úlesine eńbek naryǵyndaǵy jalpy suranystyń úshten biri (33% nemese 41,8 myń bos jumys orny) tıesili boldy. Qyrkúıek aıynda basqa salalardyń kásiporyndary arasynda elektr energııasymen, gazben, býmen, ystyq sýmen jáne kondısıonerlengen aýamen jabdyqtaýdaǵy bos jumys oryndarynyń sany aıtarlyqtaı ósti (75%-ǵa nemese 0,6 myń birlikke). Osy saladaǵy bos jumys oryndarynyń jalpy sanynyń 62%-y (nemese 0,9 myń birlik) Pavlodar jáne Shyǵys Qazaqstan oblystaryna tıesili boldy, bul energııa óndirýshi qýattardyń jylytý maýsymyna daıyndyq qajettiligine baılanysty», dedi B.Jazyqpaev.
Onyń aıtýynsha, óńirlik bóliniste qyrkúıek aıynda bos jumys oryndarynyń eń kóp ósýi Shymkent qalasynda (+32% nemese 0,8 myń), Aqmola (+22% nemese 1,2 myń) jáne Qyzylorda (+15% nemese 0,5 myń) oblystarynda baıqaldy. Usynysqa keletin bolsaq, eńbek naryǵynda ornalastyrylǵan túıindemeler sanynyń belsendi ósýi Shymkent qalasynda (+60% nemese 3,4 myń), sondaı-aq Túrkistan (+37% nemese 4,5 myń) jáne Qostanaı (+35% nemese 1,1 myń) oblystarynda tirkeldi. Bul rette Qostanaı oblysy boıynsha bos jumys oryndarynyń jalpy sany (12,3 myń) túıindeme sanynan 3 ese (4 myń) artyq, al Shymkentte jaǵdaı túbegeıli qarama-qaıshy: 3,7 myń bos oryn jáne 9,1 myń túıindeme.
Qyrkúıek aıynda EEB-daǵy mamandar arasynda ótken aıdaǵydaı baılanys ortalyqtarynyń operatorlary (olar úshin bos jumys oryndarynyń sany 4,4 myń birlikke artyq), matematıka muǵalimderi (1,3 myń birlikke), sondaı-aq tárbıeshilerdiń kómekshileri (tıisinshe 1,2 myń birlikke) tapshy boldy. Sonymen qatar vahter ornyna úmitkerler sany kerisinshe uqsas bos jumys oryndarynyń sanynan – 1,3 myń adamǵa, zańgerler – 1 myń adamǵa, deneshynyqtyrý jáne sport muǵalimderi 0,8 myń adamǵa asyp tústi.
