О́ıtkeni mobıldi qosymshada qujattardy sıfrlyq formatta alýǵa bolady. Kólikti, bıznesti tolyǵymen onlaın rejimde tirkeýge múmkindik bar. Salyqty da onlaın tóleımiz. Munyń bári birneshe jyl ishinde jasaldy. Sebebi memleket tarapynan qarapaıym azamattarǵa qyzmetterdi barynsha qoljetimdi etýge degen umtylys boldy. Álemniń esh jerinde mundaı múmkindik joq. Kerisinshe, basqa elge bara jatqan bizdiń súıikti tutynýshylarymyz: «О́zge de elderge Qazaqstandaǵydaı múmkindikti qoljetimdi etý kerek. Múmkin sizderge álemdik naryqqa shyǵý kerek shyǵar. Áıtpese biz ótken ǵasyrǵa ketip qalǵandaı áserde bolamyz», dep jatady. Eger osyndaı salystyrýlar týraly oılanatyn bolsaq, bizdiń alǵan baǵytymyz óte durys.
Sıfrlandyrý salasynda kóptegen jetistigimiz bolsa da, ókinishke qaraı, álem elderi ol týraly bile bermeıdi. Sondyqtan biz reıtıngterde birinshi oryn alǵymyz kelse, Kaspi, Freedom sekildi kompanııalardy qatystyra otyryp, memleket tarapynan jumys tobyn qurýdy usynar edim. Álemdik reıtıngterdiń tizimin jasaıtyn uıymdarǵa ózimiz týraly aqparat bereıik. Bizdi álem bilýi, tanýy kerek.
Mıhaıl LOMTADZE,
Kaspi kompanııasynyń dırektory
