Qyzyljar tórinde ótken festıval

Festıvalge 10 teatr qatysyp, qoıylymdardy belgili teatr synshylarynan quralǵan qazylar alqasy baǵalady. Onyń ishinde qazylar alqasynyń tóraıymy, teatrtanýshy, ónertaný doktory, professor Baqyt Nurpeıis, teatrtanýshy, ónertaný kandıdaty, professor Anar Erkebaı, teatrtanýshy, ónertaný kandıdaty, professor, Halyqaralyq teatr synshylary birlestiginiń múshesi Merýert Jaqsylyqova, teatrtanýshy, ónertaný magıstri Aızat Qadyrálıeva, ónertaný magıstri Nazerke Jumabaı boldy.

Festıvaldiń jeńimpazdary kelesi nomınasııalar boıynsha anyqtaldy:

1. «Ekinshi plandaǵy úzdik er adam róli» nomınasııasy boıynsha «Maǵjan» spektaklindegi Eltaı róli úshin Jandáýlet Bataı (Avtory: A.Núsip, Rejısseri: D.Livermore, Ch.Ocello) Túrkistan mýzykalyq drama teatry. Júlde qory – 500 000 tg.
2. «Ekinshi plandaǵy úzdik áıel róli» - «Qorǵansyzdyń kúni» spektaklindegi Ǵazızanyń ájesi  Anar Beısenbına / Nurmuhan Jantórın atyndaǵy  Mańǵystaý oblystyq mýzykalyq drama teatry/ Júlde qory – 500 000 tg.
3. «Úzdik áıel róli» nomınasııasy boıynsha - «№37» spektaklindegi Zeınep róli úshin - Zarına Karmen /Avtory: I.Iman ,Rejısseri: F.Moldaǵalı/ Sham teatry. Júlde qory – 750 000 tg.
4. «Úzdik er adam róli» nomınasııasy boıynsha - «Shal men teńiz» spektaklindegi Santıago róli úshin Baqytjan Qaıýov. /Almaty qalasynyń «Memlekettik Qýyrshaq teatry/ Júlde qory – 750 000 tg.
5. «Úzdik rejısserlik sheshim» - nomınasııasy «Ujdan» spektakli. (Avtory: Sh.Qudaıberdiuly, Rejısseri: Azamat Nıgmanov.) Júsipbek Aımaýytov atyndaǵy Pavlodar oblystyq qazaq mýzykalyq drama teatry Júlde qory – 1 500 000 tg.
6. «Úzdik ssenografııalyq sheshim» nomınasııasy «Ataý-Kere» spektakli. /Sáken Seıfýllın atyndaǵy Qaraǵandy oblystyq akademııalyq qazaq drama teatry/ Júlde qory – 1 000 000 tg.
7. «Úzdik spektakl» - «Bernarda Albanyń Úıi» spektakli. Avtory: (F.G. Lorka, Rejısseri: D.Jumabaı.) Ǵabıt Músirepov atyndaǵy Qazaq memlekettik balalar men jasóspirimder teatry Júlde qory – 3 000 000 tg.
8. «Temirbek Júrgenov atyndaǵy arnaıy syılyq» - «Qara shekpen» spektakli /Avtory: G. Hýgaev, Rejısseri: E.Káribaev/. Bıken Rımova atyndaǵy Taldyqorǵan drama teatry. Júlde qory – 1 000 000 tg.
9. Soltústik Qazaqstan oblysy ákimdiginiń arnaıy syılyǵy- «Maǵjan» spektakli. /Avtory: A.Núsip, Rejısseri: D.Livermore, Ch.Ocello/. Túrkistan mýzykalyq drama teatry. Júlde qory – 2 000 000 tg.
10. «Qazylar alqasynyń arnaıy júldesi» - Serke Qojamqulov atyndaǵy Jezqazǵan qazaq drama teatrynyń «Shaqan Sheri» (Avtory: M.Maǵaýın, Rejısseri: M. Habıbýllın) spektakli. Júlde qory – 500 000 tg.

Festıvalge kórnekti teatr jáne kıno akteri, «Otan» ordeniniń ıegeri, Qazaqstannyń Eńbek Eri Asanáli Áshimov bastaǵan Halyq artısteri - Tilektes Meıramov, Gúljan Áspetova, oblystyq teatr trýppalary, Petropavl turǵyndary men qonaqtary qatysty.

Festıvaldiń joǵary deńgeıde ótýine atsalysqan Soltústik Qazaqstan oblysy ákimdigine, S.Muqanov atyndaǵy qazaq sazdy-drama teatry men N.Pogodın atyndaǵy orys drama teatryna alǵys aıtyldy.