Kólik ıelerine tıimdi qyzmet

Atalǵan jańashyldyq aza­mat­­tarǵa qujattyń jaram­dy­lyq merzimi týraly 30 kún bu­ryn eskertýge múmkindik be­redi. Jiberilgen push-ha­bar­lamalar eGov mobile qosymshasynyń «Ha­bar­lamalar» bóliminde qoljetimdi. Eger mobıldi qosym­sha ornatylmaǵan bolsa, paıdalanýshyǵa qosym­shany júkteýge arnalǵan siltemesi bar 1414 nómirinen jańa habarlama kelgeni týraly SMS jiberiledi.

– Prezıdenttiń «kórinbeıtin memleket» tujyrymdamasy aıasynda azamattarǵa qajetti qyzmetterdi kórsetýdi jáne bular týraly aldyn ala habardar etýdi jalǵastyryp jatyrmyz. Push-habarlamalar azamattarǵa yńǵaıly, sebebi habarlamalar bir aı buryn jiberiledi. Tıisinshe, jańa qujatty qaıta resimdeýge ýaqyty bolady. Osylaısha, biz kólik ıelerine kóptegen qaýiptiń aldyn alýǵa kómektesemiz. Bú­ginde eGov mobile ártúrli ómir­lik jaǵdaılarǵa arnalǵan push-habarlandyrýlardyń 15 túrin usynady. Ýaqyt óte bul san da kóbeıdi, – deıdi «Ulttyq aqparattyq tehnologııalar» AQ basqarma tóraǵasy Rostıslav Konıashkın.

Sondaı-aq eGov mobıl­di qosymshasynda taǵy bir sıfrlyq qujat – «Dıagnos­tı­kalyq teh­nıkalyq baıqaý karta­sy» qol­jetimdi. Jańa qujat­ta tehnı­kalyq jaı-kúı parametr­leriniń tizbesi men mindet­ti tehnıkalyq baıqaýdyń nátıjeleri kórse­tilgen kólik quraly men onyń tirkemeleriniń ıesi týraly má­limetter bar. Qujattyń merzi­mi ótip ketse, ol sıfrlyq qujat­tarda kórsetilmeıdi. Kólik ıele­ri elektrondy qujatty qaǵaz qujatpen qatar usyna alady. Sıfrlyq qujatty eGov mobile qosymshasynyń basty betindegi «Sıfrlyq qujat­tar» bóliminde tabýǵa bolady. Qujat ıesi oǵan QR kod ar­qy­ly qol jetkize alady. Bul qu­jatty suraǵan tarapqa onyń túp­nus­qalyǵyn tekserýge kómek­tesedi.

Sıfrlyq qujat – túpnusqa qujattyń balamasy. Qazirgi ýaqytta «Sıfrlyq qujattar» servısinde 29 qujat bar. Onyń ishinde jeke kýálik, júr­gizýshi kýáligi, Qazaqstan aza­ma­ty­nyń tólqujaty jáne bas­qa da qujattar qoljetimdi. Jańar­týlar In­dýstrııa jáne ınfra­qury­lym­­dyq damý mınıstr­liginiń, Sıfr­lyq damý, ınnovasııalar jáne aeroǵarysh ónerkásibi mı­nıstrligi Memle­kettik kórsetiletin qyzmetter komı­te­­­tiniń jáne «Ulttyq aqpa­rat­tyq tehnologııalar» AQ bir­les­ken jumysy kezinde iske asyrylǵanyn eske sala keteıik.