BUU qoldaǵan Qazaqstan bastamasy

Qujat oqytý jáne bilim orda­la­ryn­da balalardyń qaýipsizdigin qam­ta­masyz etý arqyly beıbitshilik pen toleranttylyq, adam quqyqtary men negizgi bostandyqtardy qurmetteý ıdeıa­laryn ilgeriletýge baǵyttalǵan. Qarar sondaı-aq kemsitýshilikke jol bermeý, balalardyń bilim alýǵa, sonyń ishinde qarýly qaqtyǵystar jaǵdaıynda qaýipsiz bilimge qol jet­kizýiniń negizgi qaǵıdattaryn jú­zege asyrý jónindegi memleketterdiń min­dettemelerin belgi­leıdi. Qujat qaqty­ǵys aımaqta­rynan balalardy repatrıasııalaý jáne reıntegrasııalaý boıynsha oń tájirıbege súıene otyryp qabyldandy. Ondaǵy negizgi elementterdiń biri – BUU-ǵa múshe barlyq memleketti qaqtyǵystar men terrorızmnen zardap shekken balalardyń bilim alýyn qamtamasyz etý. Atap aıtqan­da, bilim berý arqyly qalpyna keltirý jáne qoǵamǵa qaıta kirgizý sharalary qaras­ty­rylǵan.

Qazaqstan qarar jobasyn Ortalyq Azııadaǵy bes memleket ókilderimen birlesip, kúsh-jigerin biriktirip, tuń­ǵysh óńirlik bastama retinde usyn­dy. Osylaısha, aımaq BUU-nyń basty qu­qyq qorǵaý alańyna mol úles qosyp otyr. Birikken Ulttar Uıymyna múshe memle­ketterdiń Adam quqyqtary máse­leleri jónindegi ustanymdarynda aıyr­mashylyq bar. Soǵan qaramastan, usy­nylǵan qujatqa 70-ten astam el qoldaý kórsetti. Atap aıtqanda, AQSh, Qytaı, Eýropalyq odaq, Latyn Amerı­ka­sy, Azııa jáne Afrıka memleketteri birlesken avtor atanýǵa qosylýǵa nıet tanytty.

Qarardy BUU Adam quqyqtary jónin­degi keńesi biraýyzdan qabyl­dandy. Bala quqyqtaryn qorǵaý máse­lesi elimizdiń saıasatynda basym oryn alady. Memleket basshysy júrgizip jatqan áleýmettik-ekonomıkalyq reformalar sheńberinde áleýmettik qoldaý kúsheıtildi. Zań­namaǵa bala­lar­dyń qaýipsizdigine qatysty jaýap­ker­shilikti qatań­datatyn ózge­rister engizildi. Son­daı-aq elimizdiń árbir azamaty úshin teń múmkindikter qaǵıdatyn iske asyrý maq­satynda bilim berýge ınvestısııa salýǵa nazar aýdarylyp otyr. BUU Adam quqyqtary keńe­si­niń qararyn qabyldaý qoıylǵan min­det­ter­di odan ári iske asyrýǵa yqpal etedi.

Esterińizde bolsa, BUU Bas Assam­b­leıa­synyń 76-sessııasy barysynda Qazaqstan 2022–2024 jyldarǵa BUU Adam quqyqtary jónindegi keńe­si­niń múshesi bolyp saılanǵan-tuǵyn. Qazaq­stan Keńestegi jumysynyń basym ba­ǵyt­tary genderlik teńdikti il­ge­ri­le­tý jáne áıelderdiń quqyq­tary men múmkin­dikterin keńeıtý, ólim jazasyn jappaı joıý, tózbeýshiliktiń barlyq nysanyna qarsy kúres, din men senim bostandyǵy, ınklıýzıvti jáne jalpyǵa birdeı bilim berýdi qamtamasyz etýge ba­ǵyt­taldy.

Elimizdiń dúnıejúzilik uıymnyń bas quqyq qorǵaý organyna saılanýy adam quqyqtary men bostandyqtaryn qorǵaý salasyndaǵy halyqaralyq normalar men standarttardy ilgeriletý úderisine belsendi jáne jaýapty qatysýshy re­tindegi rólin moıyndaý ekeni anyq. Qazaq­stanmen birge BUU Adam quqyq­tary jónindegi keńesiniń quramyna AQSh, Lıýksembýrg, Fınlıandııa, Lıtva, Chernogorııa, Argentına, Gondýras, Paragvaı, Benın, Kamerýn, Erıtreıa, Gambııa, Somalı, Úndistan, Malaızııa, Qatar jáne Birikken Arab Ámir­likteri kirdi. Buǵan deıin elimiz Adam quqyqtary jónindegi keńeske 2013–2015 jyldary saılanǵan edi.