Kún tártibi naqtylandy

Depýtattardyń talqylaýyna Salyq kodeksine engiziletin túze­týler, salyq jáne bıýdjetke tó­lenetin basqa da mindetti tólem men salyq salý máselelerine qatys­ty zań jobalaryn birinshi oqy­lym­da qaraý usynylady. Bul zań joba­larynyń negizgi normalary ekin­shi deńgeıdegi bankterdiń Ult­tyq Bank notalarynan túsetin kiri­sin salyqtan bosatý quqyǵyn alyp tastaýǵa, balalarǵa Ulttyq qor­dyń tabysynan aýdarylatyn nysa­naly jınaqtardy salyqtan bosa­tý­ǵa baǵyttalǵan. Sonymen qatar ar­naıy ekonomıkalyq jáne ındýst­rıaldyq aımaqtardyń qaty­sý­shylaryna jobalarynyń quny­na qaraı salyqtyq jeńildik­terdi berýdiń saralanǵan tásilin engizý­di, jeke tulǵalardyń bereshegi mık­ro­qarjylyq uıymdarmen jáne kollektorlyq agenttiktermen keshi­rilgen jaǵdaıda qalyptasqan kiris­terdi salyqtan bosatýdy kóz­deıdi. Sondaı-aq sottar­da mem­leket­tik baj tóleýdi keıin­ge qaldy­rý tártibin engizý men salyq­tyq ákim­shilendirýdi jetildirý usynylǵan.

Jalpy otyrysta Májilis ko­mıtetteri birqatar ratıfıkasııalanatyn zań jobasyn jumysqa alady. Olar: Qyrǵyz Respýblıkasy­men avıasııalyq izdestirý, qutqarý salasyndaǵy yntymaqtastyq jáne  «Qarasý», «Aq-Tilek» avtojol ótkizý pýnktteri aýdanyndaǵy ındýstrııalyq saýda-logıstıkalyq keshenine qatysty kelisimder.  Eýrazııalyq ekonomıkalyq odaq týraly shartqa elektrondyq nysanda salyqtar alý tártibin aıqyndaý týraly  hattama men transferttik baǵa belgileý máseleleri boıynsha ózgerister men tolyqtyrýlar engizý týraly zań jobasy.