Memleket basshylary kelissózderiniń nátıjesi boıynsha arnaıy jol kartasy ázirlenip, tıisti jumystar qolǵa alynǵan bolatyn. Soǵan sáıkes qos memlekettiń vedomstvolyq mınıstrlikteri deńgeıinde Shyrshyq qalasynda Muhtar Áýezov atyndaǵy ýnıversıtettiń fılıalyn ashý týrasynda úshjaqty kelisimge qol qoıyldy.
Auezov University sheteldegi fılıalda 18 bilim berý baǵdarlamasy boıynsha stýdentter oqytpaq. Atap aıtqanda, ekonomıka, quqyqtaný, halyqaralyq qatynastar, bıotehnologııa, ekologııa, aqparattyq júıeler, avtomattandyrý jáne basqarý, mashına jasaý, kólik, kóliktik tehnıka jáne tehnologııalar, elektrenergetıka, bıorganıkalyq zattardyń hımııalyq tehnologııasy, organıkalyq zattardyń hımııalyq tehnologııasy, munaı-gaz isi, metallýrgııa, tamaq qaýipsizdigi jáne ınjenerııa, toqyma materıaldarynyń tehnologııasy men jobalanýy, qurylys materıaldaryn, buıymdaryn jáne qurastyrylymdaryn óndirý, qorshaǵan ortany qorǵaý jáne ómir qaýipsizdigi mamandyqtary boıynsha bilim almaq.
– Shyrshyq – О́zbekstandaǵy ónerkásibi órkendegen qalanyń biri. О́ńirde mashına jasaý, metall óńdeý jáne hımııa ónerkásibi salalary qarqyndy damyǵan. Osyndaı tendensııalardy eskere otyryp, Auezov University óńirge qajetti bilim berý baǵdarlamalary boıynsha kadrlar daıarlaýdy qolǵa almaq, – deıdi ýnıversıtet basshysy Darııa Qojamjarova.
Eske sala keteıik, ýnıversıtet 301 bakalavrıat, magıstratýra jáne doktorantýra bilim baǵdarlamasy boıynsha maman daıarlaıdy.
