Sýretti túsirgen – avtor
Is-sharada memlekettik qyzmetshiler, kásipkerler, eriktiler, máslıhat depýtattary, qoǵamdyq keńes músheleri, ardagerler men turǵyndar belsendiligimen kózge tústi. Turǵyndarǵa kommýnaldyq mekeme qyzmetkerleri kómektesip, 50-den asa tehnıka jumyldyryldy. Aksııa qarasha aıynda da jalǵasady. Ár senbide qýraǵan aǵashtardyń ornyna jasyl jelek otyrǵyzylyp, tazarǵan aýmaqtar kógaldandyrylady. Bul týraly qalalyq jaıly ortany damytý basqarmasy basshysynyń mindetin atqarýshy Ábilqaıyr Ońǵar aıtty.
Jasy seksennen asqan eńbek ardageri О́rken Ábdireev tazalyq aksııasyna dán rıza. Aqsaqal Fosforshylar saraıynyń máselesin jıi kóteretin. Onyń qazirgi ahýalyna kóńili túsip, ákimdiktiń esigin talaı qaqty. Sol ótinishiniń oryndalǵanyna endi qýanyshty.
Ál-Farabı aýdany ákiminiń orynbasary Marat Tájibaev Fosforshylar saraıynyń mańyn tazalaýǵa qol kúshi jetpeı júrgenin aıtty. Senbiliktiń talaıy ótti. Biraq tazalaýǵa kommýnalshylar men turǵyndar kóp qatyspaıtyn. Bul joly adam degen kóp boldy. Tehnıka da jetip jatty.
Jaýapty mamandar aksııa sońynda tazalyq jumystaryna qatysqan barsha azamattarǵa alǵystaryn bildirip, shahardy kórikti ustaýǵa, Shymkentti jasyl qala degen atqa shyn máninde laıyqty etýge shaqyrdy.
ShYMKENT
