Atap aıtar bolsaq, erler arasyndaǵy elimizdiń birinshi, álemniń 36-raketkasy Aleksandr Býblık Belgııanyń Antverpen qalasynda jalaýy jelbiregen «ATP 250» sanatyndaǵy jarysty sátti bastap, týrnırdiń shırek fınalyna joldama aldy. Reseılik Aleksandr Shevchenkomen jup qurap oınap jatqan Býblık 1/8 fınalda belgııalyqtar – Mıkael Gırts pen Gote Onklındi eki sette 7:6 (7:4), 6:4 esebimen jeńdi. Aleksandr Býblık jekeleı jarystaǵy alǵashqy kezdesýin búgin fransııalyq Gregýar Barrermen ótkizedi.
Sondaı-aq Qytaıdyń Shenchjen qalasyndaǵy «Chellendjer» týrnırinde óner kórsetip jatqan Beıbit Juqaev ta jarystyń ekinshi aınalymyna shyqty. 1/8 fınalda álemdik reıtıngte 249-orynǵa jaıǵasqan otandasymyz dúnıejúzilik reıtıngte 726-orynda turǵan qytaılyq Sıaofeı Vanmen sheberlik baıqasyp, eki sette 6:3, 6:4 esebimen jeńiske jetti. B.Juqaev básekeniń shırek fınalyna shyǵý úshin búgin álemniń 112, osy jarystyń 2-raketkasy amerıkalyq Aleksandr Kovachevıchpen kezdesedi.
