Irikteý qorytyndysy boıynsha Qazaqstan ulttyq quramasynyń velosportshylary UCI reıtınginde 19-orynǵa ıe boldy. Bul nátıjemen jerlesterimiz Parıj Olımpıadasyna taǵy eki joldamany el qorjynyna saldy. Atap aıtqanda, erler jáne áıelder arasyndaǵy toptyq jarysynda bir, erler saıysynda ýaqytqa jarysýda bir joldama oljalady. Buǵan deıin bıylǵy Azııa chempıonatynda top jarǵan Gleb Brýsenskıı de Olımpıada joldamasyna qol jetkizgen edi.
Osylaısha, elimizdiń áıelder quramasy 2008 jylǵy Beıjiń Olımpıadasynan keıin alǵash ret Parıjdegi dodada toptyq jarysta baq synamaq. Rınata Sultanova, Mahabbat Úmitjanova, Faına Potapova, Marına Kýzmına, Angela Soloveva birigip, bir lısenzııaǵa qol jetkizdi. Halyqaralyq velosıpedshiler odaǵynyń erejesi boıynsha, UCI reıtınginde alǵashqy bestikte turǵan quramalarǵa – tórt, 6-10-orynǵa deıingilerge – úsh, 11-20-oryndardaǵy quramalarǵa – eki, 21-45-ke deıin bir joldama beriledi.
