Ár avtor Qasymǵa arnaý jáne erkin taqyrypta jazylǵan eki óleń, barlyǵy úsh týyndydan usynǵan. Qazylar alqasy óleńniń ıdeıalyq mazmunyna, kórkemdik sapasyna, avtorlardyń sóz saptaý máneri men stıldik ereksheligine nazar aýdardy.
Dástúrli músháıranyń bas júldesi Baıanaýyldan qatysqan jas aqyn Jolaman Áıtkenge buıyrdy.
– Stýdenttik shaǵym Qaraǵandyda ótti. E.Bóketov atyndaǵy Qaraǵandy ýnıversıtetiniń túlegimin. Munda kóptegen ádebıetshi ǵalymdardyń tálim-tárbıesin aldyq. Qaraǵandynyń ádebı ortasy da kóp dúnıe úıretti. Jalpy, Qasym jyrlarynan alar taǵylym kóp, – deıdi Jolaman Áıtken.
О́leń dodasynda qaraǵandylyq shaıyr Erik Naryn I orynǵa ıe bolsa, II oryn astanalyq Aıdyn Baıys pen Sátbaev qalasynan qatysqan Maqpal Sabyrǵa buıyrdy.
Al úzdik úshtikke qostanaılyq Baqytjan Álkebaev pen Balǵyn Apbashan ilikti. Yntalandyrý syılyǵyn Shet aýdany, Aqoı aýylynan kelgen Abaı Kálim, qaraǵandylyq Kámshat Hasen jáne sátbaevtyq Mádı Oljabaı ıelendi.
Júldeger aqyndar ortaǵa shyǵyp, óleńderin oqydy. Jas aqyndardyń jalyndy jyrlary kórermenge rýh syılady.
Qaraǵandy oblysy
