Otandyq delegasııa óndiristik úderistermen jáne kompanııanyń jumys barysynda qoldanatyn jańa tehnologııalarymen keńinen tanysty. Bul sapar sapa men óndiris tıimdiligin arttyratyn úderisterdiń bastaýy bolǵandaı.
Zaýytqa sapar barysynda «Agromashholdıng KZ» AQ, «Vostokmashzavod» AQ, «Kamlıt KZ» JShS, «Qazaqstan agroınnovasııalyq korporasııasy» JShS, «Reıman» JShS sııaqty otandyq mashınjasaý salasyndaǵy kásiporyndar quramdas bólshekterdiń áleýetti jetkizýshilerimen kelissózder de júrgizdi.
CLAAS kombaındaryna usynylatyn negizgi nusqalardyń keń aýqymy jáne qosymsha fýnksııalary men jabdyqtaryn ornatý jumystarynyń kúrdeliligin meılinshe eskere otyryp, bul úderisterdiń óndirýshi úshin ońaıǵa soqpaıtyndyǵyn ańǵarýǵa bolady. Onymen qosa óndiristi josparlaý, bólshekterdi jetkizý logıstıkasy, negizgi qurastyrý jáne ornatý kúrdeliligi de qajyrly eńbekti qajet etedi.
Shynyn aıtý kerek, CLAAS kombaındary – álemdegi eń kúrdeli aýylsharýashylyq mashınalarynyń biri. Zaýyt shyǵaratyn astyq jınaǵysh kombaındar 15 myńǵa deıingi jeke quramdas bólshekten qurastyrylady. Bul zaýytta kombaınnyń tazalaý júıeleri, negizgi jáne qaıtalama dándi aıyrý jabdyqtary, sondaı-aq astyq býnkerleri men ártúrli basqa da komponentter qurastyrylady jáne boıalady.
Bul jolǵy is-shara eki el arasyndaǵy seriktestikti barynsha nyǵaıtýǵa kómektesedi. Agrarlyq salany damytyp, aýylsharýashylyq tehnıkasyn óndirýde Qazaqstan men CLAAS arasyndaǵy yntymaqtastyqtyń mańyzdylyǵyn arttyra túspek.
