Foto: Getty Images
Mundaı kúıge túskenderdiń ishinde jaqyndaryn joǵaltyp nemese barynan aıyrylyp, túrli synaqqa
synyp ketkender az emes. Biri ishimdik pen esirtkige salynyp ketse, basqasy - aramdardyń pıǵylyna aldanyp, baspanasynan aıyrylǵandar.
Avtordyń jazýynsha, qaıyr surap, kóshe kezgenderdi Almatynyń kez kelgen kóshesinen kezdestirýge bolady. «Kók bazar» mańynan ótip bara jatyp solardyń birin əńgimege de tartqan.
«Otbasym da, úıim de boldy. Keıin túrmege tústim. Shyqqan soń kishkene ishtik endi. Úıimizden aıyryldyq, əıelim ketip qaldy. Qalada jalǵyz əpkem turady. О́z otbasy bar. Oǵan da bara bermeısiń. Qysqasy, eshkimge kerek emespin», dep kúrsindi oryssha qazaqshany aralastyra sóılegen 50-ler shamasyndaǵy er adam.
Eldiń túpkirinen úlken megapolıske «jaqsy ómir» izdep baratyndar qanshama. Alaıda, barlyǵynyń shamasy jetpeıdi, úı jaldaý qymbat, týystary da kómektespeıdi. Qazir qalada kóshe kezip júrgen adamdardyń sany 300-den asty, tipti odan da kóp bolýy múmkin. Mamandardyń aıtýynsha, belgili bir turaǵy joq adamdardyń sanyn dəl anyqtaý múmkin emes.
Osy tusta gazet tilshisi áleýmettanýshy Bekzat Nurmetovty áńgimege tartyp kórdi. Onyń aıtýynsha, qala kóshelerinde kúneltken qańǵybastardyń qujatyn túgendep, qatarǵa qosýǵa keıbir memlekettik mekemeler tarapynan asa yqylas joq.
«Olardyń qujaty bolmaǵandyqtan, esh jerge jumysqa qabyldanbaıdy. Al keıbiriniń qoldarynda qujaty bolmasa da, aıyppuldary az emes. Belgili turaǵy joq adamdardyń arasynda shash etekten qaryzǵa batyp, osyndaı kúıge túskender de bar», dedi əleýmettanýshy.
Qys mezgili de jaqyndap qaldy. Qaqaǵan aıazda baspanasy joq jandardyń jaǵdaıy tipti múshkil bolady. Olarǵa qol ushyn sozý maqsatynda tek Almatyda ǵana emes, ár óńirde áleýmettik nysandar kóbeıse úlken kómek bolar edi.
Maqalanyń tolyq nusqasyn «Egemen Qazaqstan» gazetiniń №199 (30678) sanynda oqı alasyzdar.
