Is-sharaǵa Ulttyq ǵylym akademııasynyń akademıgi Ǵarıfolla Esim, Senat depýtaty Bekbolat Orynbekov, «Qazaq gazetteri» JShS bas dırektory, akademık Dıhan Qamzabekuly, tehnıka ǵylymdarynyń doktory, Iаsaýı kesenesi ǵımaratynyń geometrııalyq ólshemin zerttegen Áýez Báıdibekov, isker azamat Nurlan Aljanqulov jáne oqytýshy-professorlar, din salasy mamandary, shákirtter qatysty.
– Kitapty jazǵan Azamat Jamashev, Ernar Májen, Dorbethan Jomart syndy jigitterge alǵysymdy bildiremin. Halyqtyń túleýine birden-bir uıytqy bolatyn din salasy men ulttyq dástúr sabaqtasa sıpattalǵan qos kitaptyń halqymyzdyń rýhanı ómirine zor áserin tıgizedi dep esepteımin. Jastar da, úlken kisiler de osy kitaptardy ala otyryp, óz ishinen taldaý júrgizip, jaqsy qorytyndy shyǵarady dep oılaımyn. Bizge osyndaı zaman talabyna saı kitaptar kerek, – dedi senator B.Orynbekov.
«Saıyn dalanyń sańlaq ǵulamalary» eńbeginde Uly dala tósinde qurylǵan memleketterdiń tarıhy, ustanǵan dinderi, olardyń ıslamdy qabyldaýyna túrtki bolǵan oqıǵalar, olarǵa jasalǵan joryqtar, meshit-medreselerdiń paıda bolýy, ǵylym men bilimniń damýy egjeı-tegjeı zerdelengen. Qazaq halqynyń memleket bolyp qurylǵannan bastap, búgingi kúnimizge deıingi dinı ahýal, oǵan áser etken tarıhı jáne saıası oqıǵalar da sóz etiledi.
– Shynynda, din tarıhy, din máselesi degen uǵymdar endi qalyptasyp, zerttelip jatyr. Sonymen birge din máselesi qazir qoǵamda kún tártibinde tur. Bizdiń tarıhymyzǵa din qaı turǵydan keldi jáne biz ony qalaı túsindirdik? Búginde «bıtke ókpelep, tonyn otqa jaǵyp» dástúrli dinimizdi de mansuqtaýshylar beleń ala bastady. Din áý bastan qazaq otbasynda joǵary qundylyq sanalǵan. Kezinde bizdiń Álıhan Bókeıhan, Názir Tórequluly syndy zııalylar 1923 jyly «Temirqazyq» degen jýrnal shyǵardy. Sizder jarııalap otyrǵan «Temirqazyq» ta úlken bastama bolyp, bolashaqta osy baǵytta kóptegen eńbektiń shyǵýyna múmkindik týǵyzady dep oılaımyn, – dedi D.Qamzabekuly.
Akademık Ǵarıfolla Esim óz kezeginde qazaq halqynyń ulttyq rýhanııaty nyǵaıyp kele jatqanyn alǵa tartyp, jınaqtyń alǵysózin jazǵan avtor retinde qos kitapqa joǵary baǵa berip ótti.
Atalǵan kitaptar iri kitap dúkenderinde satylymǵa túsken. Irgeli eńbekterge qyzyǵýshylyq tanytýshy oqyrman shoǵyry da qalyń.
