Ashyq aspan astyndaǵy bul ekspozısııada 60-tan asa tehnıka qoıylǵan. Olardyń keıbiri HIH ǵasyrdyń jádigeri bolsa, kópshiligi keńestik kezeńde qoldanylǵan qural-jabdyqtar. Odan bólek, bul jerde on eki qanatty kıiz úı men partııa kósemderiniń bıýst músinderi de kelýshilerdiń nazaryn aýdarady. Aýyldaǵy mýzeı janynan ashylǵan jańa kórmeni Batys Qazaqstan oblysynyń ákimi Narıman Tóreǵalıev te tamashalap kórdi.
– Táýelsizdigimizdi alǵaly tarıhymyzdy túgendep, ótkenimizge oryndy baǵasyn bere bastadyq. Azattyqtyń arqasynda oń-solymyzdy tanyp, eleýli tulǵalarymyzdy ulyqtap jatyrmyz. Aqpáterde keleshek urpaqqa mura bolar mýzeı ashyldy. Mundaǵy qundy jádigerler ótkendi umytpaı, bolashaqqa nyq qadam basýǵa sep bolady, – dedi N.Tóreǵalıuly.
Aqpáterdegi halyqtyq mýzeıdiń negizin qalaǵan – aýyl aqsaqaly Kárim О́teǵulov. 1986 jyly josparlanyp, 1992 jyly arnaıy ǵımaraty salynǵan mýzeı uzaq jyldan keıin, 2013 jyly iske qosylǵan eken. Talaı jyl ótse de, maqsatynan aınymaı, aqyry mýzeıdi ashyp, halyq nazaryna usynǵan Aqpáter aýylynyń turǵyny, Jańaqala, Qaztalov aýdandarynyń Qurmetti azamaty, «Qurmet», «Parasat» ordenderiniń ıegeri Kárim Tájmaǵanbetuly osy kúni Mádenıet jáne aqparat mınıstrliginiń Qurmet gramotasymen marapattaldy.
Batys Qazaqstan oblysy
