Qazaqstan tennıs federasııasy málimeti boıynsha, Iаsmın fınalda Bolgarııa ókili Maııa Mıhovany 7:5, 6:2 esebimen jeńip, bas júldeni qanjyǵasyna baılady. Al uldar arasynda baq synaǵan taǵy bir otandasymyz Ahmadı Mahanov fınalǵa deıin jetkenimen, chempıondyq matchta kort ıesi Tomas Martınge jol berip qoıdy – 1:6, 1:6.
Ahmadıdiń jekeleı synda joly bolmaǵanymen, juptyq saıysta baǵy jandy. Otandasy Balqan Nurdáýletpen birge jup qurap, týrnırdiń sońǵy básekesinde slovakııalyq Leonard Nıps pen ýkraınalyq Egor Romanıýt jubynan eki sette 6:1, 6:2 esebimen basym túsip, týrnır jeńimpazdarynyń qataryna qosyldy.
Sonymen qatar qyzdar básekesiniń taǵy bir fınalynda oınaǵan jerlesimiz Ádemi Álseıpýlova nıderlandtyq Pıppa Fennıspen birge aqtyq synda Ispanııa qyzdary – Pelas jáne Beltrannan basym túse almady – 3:6, 4:6.
