Umai-2023: Baq pen bap

О́tinim qabyldaý «Teatr óneri», «Mýzykalyq-oryndaýshylyq óner», «Horeografııalyq óner», «Beı­neleý jáne sándik-qol­­danbaly óner» tárizdi tórt n­egizgi atalym boıynsha ótedi. «Teatr óneri» atalymy boıyn­sha segiz júlde belgilengen: «Ope­ra óneri» (operadaǵy erler jáne áıelder par­tııasyn úzdik oryndaý), «Akterlik sheberlik» (dra­malyq nemese mýzykalyq-dramalyq spektakldegi: operetta, mıýzıkl, rok-opera, mýzykalyq komedııadaǵy úz­dik er adam jáne úzdik áıel adam róli), «Úzdik rejıssýra» (mýzykalyq-dra­ma­lyq nemese dramalyq spektakldegi re­jısserlik jumys), «Spektakldiń úz­dik kórkemdik bezendirilýi» (kostıýmder jáne/nemese dekorasııalar), «Úzdik mý­zykalyq-dramalyq spektakl» (opera, dramalyq/mýzykalyq-dramalyq (operetta / mıýzıkl / rok-opera / mý­zykalyq komedııa), «Úzdik dramalyq spektakl / mýzykalyq komedııa». Al «Ho­reografııalyq óner» atalymy boıynsha alty júlde belgilengen: «Úzdik bı ujymy» (halyqtyq, zamanaýı nemese es­tradalyq bı ansambli), «Úzdik zamanaýı horeografııa spektakli», «Balettegi úzdik oryndaýshy» (ba­let solısi /er/ áıel), «Úzdik horeograf», «Úzdik klas­sıkalyq balet spektakli». Taǵy tórt júldeni je­­ńimpazdar «Mýzykalyq-oryn­daýshylyq óner» atalymy boıynsha alady: «Úzdik dástúrli oryndaýshy (án aıtý)», «Úzdik dás­túrli oryndaýshy (aspapshy)», «Úzdik mýzykalyq ansambl» (klas­sıkalyq), «Úzdik mýzykalyq ansambl» (halyqtyq). «Beı­neleý jáne sándik-qoldanbaly óner» atalymy boıynsha júlde «Úzdik sándik-qoldanbaly óner sheberine» mynadaı sanattar beriledi: qolóner sheberi (zergerlik óner, metall óńdeý, eksperımenttik/aralas tehnıkalar), qolóner sheberi (aǵash óńdeý, kórkem oıý, keramıka), qolóner sheberi (kıiz, tekstıl, toqymashylyq, bylǵary). «Úzdik beıneleý óneriniń týyndysy» úshin taǵy tórt syılyq taǵaıyn­dalady, atap aıtqanda, «Úzdik kes­kindeme sheberi», «Úzdik zamanaýı óner sýretshisi (performanstar, ınstallıasııalar, art-nysandar), «Úzdik grafıka sheberi» jáne «Úz­dik músin sheberi». Bıyl «Úzdik balalar spektakli» (eki syılyq) arnaıy júldelermen atap óti­ledi, sondaı-aq táýelsiz sarap­taý komıs­sııasynyń músheleri fına­lıs­terdiń arasynan sahnalyq óner salasynda «Jyl jańalyǵyn tańdaıdy. Shyǵarmashylyqta jańashyl betburys jasaǵan jáne elimizde, sondaı-aq shetelde teatr salasyndaǵy ózderiniń jarqyn biregeı jetistikteri arqyly tanymal bolǵan, jasy 40-tan aspaǵan sahna óneriniń sheberleri «Jyl jańalyǵy» júldesine úmitker bola alady. Ujymdar men oryndaýshylar 2021 jyldyń qyrkúıeginen bastap 2023 jyldyń shildesine deıingi teatr (konserttik) maýsymynda atqarǵan jumystary úshin Umai-2023 syılyǵynyń ıegerleri atanady. Jekelegen óner qaıratkerleri (opera solıs­teri, drama akterleri, rejısserler, sýretshi ssenograftar, kos­tıýmder boıynsha sýretshiler, ba­let solısteri, horeograftar, mý­zykalyq oryndaýshylar) eki jyldan aspaıtyn merzimde, ıaǵnı 2021 jyldan 2023 jylǵa deıin oryndaǵan rólderi/partııalary/shyǵarmashylyq jumystary/mý­zykalyq baǵdarlamalary úshin báıgege túsedi. Sýretshiler men sán­dik-qoldanbaly óner sheberleri de 2021 jyldan erte emes kezeńde jasalǵan jumystary úshin úmitker bola alady. О́tinimderdi qabyldaý 2023 jyldyń 5 jeltoqsanynda aıaq­talady.