Kollajdy jasaǵan – Qonysbaı ShEJIMBAI, «EQ»
«Qazaqstan temir joly» qaýipsiz eńbek jaǵdaılaryn qamtamasyz etý maqsatymen jumysy jolmen baılanysty jelilik kásiporyndardyń temirjolshylarynyń ýaqytsha turýy men demalýyna jyljymaly ǵımarattar ornatyp jatyr. Bul jolshylardyń ıgiligi úshin jasalyp jatyr.
Búgingi tańda magıstraldyq jeliniń Aqmola, Qostanaı, Semeı, Aqtóbe, Atyraý bólimsheleriniń jol sharýashylyǵy kásiporyndarynda 29 modýldik ǵımarat ornatyldy. Aǵymdaǵy jyldyń sońyna deıin QTJ jelisinde – 102, 2024 jyly 113 jyljymaly ǵımarat paıdalanýǵa berilmekshi.
Magıstraldyq jeli dıreksııasy kásiporyndarynyń qajettiligine qaraı syıymdylyǵy 8-den 10 adamǵa deıingi modýlder ornatylýda.
Jyljymaly ǵımarattardy montajdaý qysqa merzimde júzege asyrylady. Ornatýdyń qarapaıymdylyǵyna qaramastan, barlyq qajetti ınjenerlik kommýnıkasııa mobıldi ǵımaratqa qosylady. Sonymen qatar olar jıhazben, turmystyq tehnıkamen, dýsh kabınalarymen jáne qıyn klımattyq jaǵdaılarda da temirjolshylardyń jaıly turýy úshin qajet basqa da zattarmen jabdyqtalǵan.
