Kásipke adaldyq

Memlekette ár kez bolyp turatyn oqys oqıǵalar, apatty jaǵdaılar tóten­­­shelik departamentiniń kezekshi pýl­tin bir sát te tynysh qoımaǵan. Qut­qa­­rýshylar jyldyń qaı mezgilinde de óz mindetine qaltqysyz adal. Qystyń kún­deri aıaz ben qardan japa shekken turǵyndarǵa birinshi bolyp kómekke umty­lady. Qala berdi ystan ýlanyp qal­maýdyń qam-qareketimen de ýaıym-qaıǵy jeıdi. Kóktemde jaýyn-shashyn­nan keıingi sel bolǵan aýmaqtarda rezińke etikpen sý keship júredi. Jazda ózen-toǵandardy kúzetip, balalardyń sýǵa batyp ketpeýin qadaǵalaıdy. Adam­dardy ártúrli tabıǵı, tehnogendik apat­tardan dereý qutqaryp, ajaldan arashalap aman alyp qalatyn tóten­shelikterdiń kúndelikti jumysy – mine, osyndaı.

Shymkent qalasy tótenshe jaǵdaı departamentiniń «101» dıspetcherlik pýltine 10 qazan saǵat 16.02 shamasynda Abaı aýdany Tólemetov kóshesindegi kópqabatty turǵyn úıde órt shyqqany týraly habarlama kelip túsedi. О́rt bolǵan jerge tez arada 7 órt sóndirý tehnıkasy, jeke quramnan 37 adam jiberiledi. Oqıǵa bylaı bolǵan: turǵyn úıdiń bir páteriniń balkonyndaǵy úı zattary janyp ketken. Sodan alapat órt oryn alyp, úıdiń ishi qara tútinnen kórinbeı qalǵan. Biraq órt sóndirýshiler qyzyl jalynnyń odan ári taralýyna jol bermeı, saǵat 16.20-da «tilsiz jaý­dy» oqshaýlasa, 16.24-te tolyǵymen sóndirgen. Osy arada №5 órt sóndirý bóliminiń aǵa órt sóndirýshileri Marat Álipbaev pen Arman Mahmut qoıý tútinge qoıyp berip páterdiń ishinnen 4-5 jasar eki baldyrǵandy izdep taýyp, tez arada qaýipsiz jerge shyǵarǵan. Oqıǵa ornyna tez jetken jedel járdem brıgadasy sol jerde balalarǵa alǵashqy medısınalyq kómek kórsetken. Aldyn ala boljam boıynsha balalar ot jaǵyp oınap, aqyry órttiń shyǵyp ketýine sebepshi bolǵan.

Shymkenttik órt sóndirýshiler onyń aldynda da taǵy bir adamnyń ómirin qutqa­ryp qalǵan edi. Bul oqı­ǵa 2023 jylǵy 28 qyrkúıekte saǵat sol 22.30 shamasynda boldy. №2 órt sóndirý bólimine qyz bala jú­girip keledi. О́ńi qup-qý qyz ákesi­niń qaraýsyz qalǵan ǵıma­rat­tyń 5-qabatynan sekirgeli jatqa­nyn habarlap, órt sóndirýshilerden kómek suraǵan. Qaraýyl bastyǵy Mar­len Seıilbek órt sóndirýshi Ýalıhan Jú­sip­­pen birge tez arada oqıǵa ornyna bar­yp, 5-qabattan sekirip, ózine qol jum­samaq bolǵan 1980 jylǵy azamatty qut­qaryp qaldy. Bólim qyzmetker­­leri ózine qol jumsamaq bolǵan azamatpen jyly áńgimelesip, sabasyna túsirip, raıynan qaıtarǵan. Sóıtip, psıhologııalyq erkin suh­battyń arqasynda ol áreketiniń qate ekenin túsinip, otbasyna aman-esen oralady.

Qutqarýshylardyń erligin nasıhattaý maqsatynda elimizde kóptegen is-shara atqarylyp jatyr. Sonyń biri búginde Astana qalasynda ótip jatqan Rizamyz Qutqarushi fotokórmesi der edik. Fotokórme barysynda elordanyń «Atyraý» jaıaý júrginshiler kópirine TJM qyzmetkerleriniń 112 portreti qoıyldy. Olar barlyǵy osy saladaǵy órt sóndirýshiler, qutqarýshylar, súńgýir­ler, kınologter, medısına qyzmet­kerleri, ushqyshtar, psıhologter, áskerı qyz­met­shiler. Fotosýret­ter ishinde Shym­kent qalasy tótenshe jaǵdaılar depar­ta­mentiniń 7 qyzmetkeri bar. Árbir por­trette QR-kod beınelengen. Ony skaner­leý arqyly Nurbek Táýkeevtiń, Roman Pısmenskııdiń, Ashat Qalybaev­tyń, Shýhrat Halmetovtiń, Ádilet Jo­rabektiń, Dáýlet Shamenovtyń, Úsen Rahmatýllaevtyń ómirindegi jar­qyn oqıǵalaryn bilýge bolady. Sony­men birge rizamyz.com saıtynda qyz­met­­tik mindetterin oryndaý kezinde erlik­pen qaza tapqan 11 qutqarýshynyń erlik­teri týraly baıandalady. Osynaý batyr­lardyń arasynda 2014 jyly «Plant»» JShS farmasevtıkalyq zattardy saqtaý qoımasynda órt sóndirý kezinde qaza tapqan Juldyzbek Esena­lıevtiń esimi erekshe qurmetpen atalady.

ShYMKENT