«Terminals Holding» kompanııalar toby – Azııa men Afrıkanyń iri naryqtarynda tutynýshylarǵa qyzmet kórsetetin, sondaı-aq «Abu Dhabi Ports» iri portty jáne ónerkásip kompanııasymen baılanysty qarqyndy damyp kele jatqan avıasııalyq kásiporyn.
Investor elorda áýejaıynyń qyzmetine jan-jaqty baǵa berip, keıinnen jolaýshylarǵa qyzmet kórsetý sapasyn jáne jalpy áýe aılaǵynyń tıimdiligin arttyrý úshin jedel basqarýdy óz qolyna alady.
Investordyń birinshi kezektegi mindeti – ushý-qoný jolaǵyn rekonstrýksııalaýǵa jáne ony odan ári jańǵyrtýǵa daıyndaý. Daıyndyq jumystaryn jáne elordanyń qysqamerzimdi qurylys maýsymyn eskere otyryp, kelesi jyly jerústi ınfraqurylymyn kúrdeli jóndeýdi bastaý josparlanyp otyr.
Sonymen qatar memleket pen jeke kompanııa múddeleriniń tepe-teńdik balansyn eskere otyryp, bolashaq ınvestısııalarǵa negiz bolatyn áýejaıdy damytýdyń uzaqmerzimdi bıznes-jospary ázirlenedi.
Kólik mınıstrligi «Terminal Holding» kompanııasymen yntymaqtastyqty nyǵaıtý Memleket basshysynyń Joldaýynda elimizdegi áýejaılardy mýltımodaldy ortalyqtar retinde damytý jónindegi belgilengen mindetterdi iske asyrýǵa eleýli úles qosatynyn basa aıtty.
