Foto: pixabay.com
«Ertis ormany» rezervatynyń aǵa qyzmetkeri Qarshyǵa Arynovtyń aıtýynsha, búginde rezervat aýmaǵynda 450 borsyq mekendeıdi. 2020 jyly olardyń sany 380 bolǵan.
– Borsyqtar – orman rezervatynda keń taralǵan janýar, degenmen sırek kezdesedi. О́z shuńqyrlary arqyly topyraqqa jáne onda ómir súretin organızmderge áser etedi. Topyraqtyń sapasyn jaqsartýǵa yqpal etedi. Sonymen qatar topyraqtyń qunarlylyǵyn arttyrýǵa jáne ekologııalyq tepe-teńdikti saqtaýǵa kómektesedi, – deıdi Qarshyǵa Arynov.
Borsyqtar ártúrli taǵamdarmen qorektenedi: jıdekter, jańǵaqtar men shópter, qurttar men qońyzdar, baqalar men kesirtkeler, tyshqandar. Tamaq izdeýge túnde shyǵyp, shuńqyrdan 5-10 km qashyqtyqqa ketedi.
Japyraqtar men aǵashtardy búldiretin zııankester – qońyzdardyń dernásilderin jeý arqyly ormanǵa paıda ákeledi.
