Foto: parlam.kz
«Jasyratyny joq, qazir bankterden shekteýsiz kredıt alyp, qaryzǵa belshesinen batyp otyrǵan azamattarymyz kóp. «Halyq nesıe qamytyn kıip otyr» dese de bolady. Adamdardyń nesıege táýeldiligi men qarjylyq saýatynyń tómendigi úlken áleýmettik problemaǵa aınaldy. Memleket basshysy Joldaýynda nesıe máselesine keńinen toqtalyp, ony sheshý joldaryn qarastyrý týraly tapsyrma bergen bolatyn. Depýtattar da bul túıtkilmen jaqsy tanys. О́ıtkeni, biz aımaqtarǵa jıi shyǵamyz. Meniń ózim de talaı óńirde bolyp, halyqpen júzdestim. Kóbiniń aıtatyny bir nárse, ol – nesıege táýeldilik. Bul, ókinishke qaraı, jalpyhalyqtyq sıpat alǵan qubylysqa aınalyp tur», dedi Erlan Qoshanov.
Onyń aıtýynsha, qazir halyqtyń 84 paıyzynda, ıaǵnı 8,4 mıllıonnan astam adamnyń qaryzy bar. Sońǵy bir jarym jyl ishinde bul kórsetkish 27 paıyzǵa ósken. 90 kúnnen keshiktirilgen qaryz kólemi – shamamen 1,4 trln teńge. Iаǵnı, 1,7 mıllıon adam qaryzyn ýaqtyly tóleı almaı otyr degen sóz. Osynyń bári nesıe problemasynyń qanshalyqty asqynyp ketkenin kórsetip otyr.
