Jastar zerthanasy – jańa múmkindik

Eki kúnge sozylǵan forýmda respýblıkanyń túkpir-túkpi­rinen 50-ge jýyq jas kitapha­nashy, qoǵam, ǵylym, mádenıet, bilim salalarynyń ókilderi basqosty. Sal­tanatty ashylý rásiminde sóz alǵan Mádenıet jáne aqparat mınıstrligi, arhıv, qujattama jáne baspa isi komıteti, kitap­hanalar bas­qar­masynyń sarapshysy – Dına Aman­jolova, «Al­tyn qyran» qoǵamdyq qo­ry Marketıng jáne jobalar departamentiniń dırektory Saıat Jókenuly, «Dáýletten» qaıyrymdylyq qory dırektorynyń orynbasary Bekzat Qaırat forýmnyń ma­ńyzyna toqtalyp, jas kit­ap­hanashylarǵa sáttilik tiledi.

Aldyn-ala áleýmettik jeli­de uıymdastyrylǵan «Jas ki­tap­hanashy – 2023: jyl tań­daýy» baıqaýyna qatys­qan 40 shaqty úmitkerden úzdik dep tanylǵan 10 maman kitap­hana sahnasynda óz jobalaryn qorǵap, baq synasty. Bar ónerlerin, iskerlik qabiletterin ortaǵa saldy. Osydan soń kitap­hanashylar Nazarbaev ýnıver­sıteti, M.Nárikbaev atynda­ǵy QazGÝ, L.N.Gýmılev atynda­ǵy EUÝ Ǵylymı kitapha­na­laryna, Ulttyq akademııalyq kitaphanaǵa arnaıy ekskýrsııa jasap, sala boıynsha má­denı, bilim oshaqtarynda uıym­dastyrylǵan paneldik, for­saıt sessııalarǵa, praktı­kalyq semınarlarǵa, tájirıbeli mamandardyń sheberlik, iskerlik saǵattaryna qatysty.

Forýmnyń ekinshi kúnin­de qatysýshylar Ulttyq kitap­­ha­na dırektory Ǵ.Nur­ǵa­lıevanyń jetekshiligimen ótken «Kitaphana ındýs­trııa­syn­daǵy trendter: áleýmettik je­lini strategııalyq qoldaný jáne tıimdi paıdalaný» atty sheberlik saǵatqa, kásibı medıator, bıznes-treneri Dınara Karamakınanyń «Medıasııa jastar arasyndaǵy arazdyqtyń aldyn alý quraly retinde» atty praktıkalyq semınarǵa, moderator – Veronıka Balgarskaıanyń «Inklıýzııa – prınıat nelzıa otvergnýt» atty trenıngine qatysyp, bilimderin jetildirdi. 

Kásibı mamandardyń jetek­shiligimen «Kitaphanadaǵy jasandy ıntellekt: múmkindik álde qaýip?» taqyrybynda dıskýs­sııalyq panel, «Zamanaýı kitap­hananyń kelbeti» Forsaıt-ses­sııasy, «Kitaphanadaǵy álemdik aqparattyq resýrstar» atty semınarlar forým aıasynda jan-jaqty talqylanyp, jas mamandar «QUIZ» ıntellektýaldar sa-ıysyna qatysty. Odan soń ashyq mıkrofon uıym­dastyrylyp, jas kitapha­nashylar ózara pikir almasty, jastar laboratorııasynan alǵan áserlerimen bólisti. Fo­rýmdy qorytyndylaı kele, respýb­lıkalyq jastar laborato­rııasynyń rezolıýsııasy qa­byldandy. «Jas kitaphanashy – 2023: jyl tańdaýy» respýb­lıkalyq baıqaýynyń qory­tyndysy jarııalanyp, jeńim­pazdar anyqtaldy. Baı­qaý nátıjesi boıynsha bas júlde jáne «Dauletten» qaıyrym­dylyq qory usynǵan – Dý­baıǵa joldamany Shyǵys Qazaqstan oblystyq bala­lar jáne jasóspirimder kitap­hana­synyń jas mamany Dana Bókenova jeńip aldy. Úz­dik jobalarymen erekshelen­gen Qulpynaı Jasaral, Aıgerim Abdýhalımova, Uljan Ra­hym­ǵalıeva jáne Jadyra Jasulan arnaıy júldemen marapattaldy. Olarǵa arnaıy dıplomdar jáne joba demeýshisi «Altyn Qyran Foundation» qoǵamdyq qory usynǵan 100 myń teńge syılyq tabystaldy. Sondaı-aq eki úmitker Astana qalalyq kitap­hanalar júıesi men «Qalamger.kz» ádebı portaly ta­ǵaıyndaǵan arnaıy syılyq­tarǵa ıe boldy.

Kitaphana salasyna kelgen jastardyń mamandyqqa degen súıispenshiligin arttyryp, kásibı biliktiligin shyńdaýdy maq­sat etken is-shara bıyl ekin­shi ret uıymdastyrylyp otyr.