Qazirgi tańda eki ujym da QHL-diń týrnır kestesinde sońǵy oryndarda qatarlas kele jatyr. Sondyqtan joǵary oryndarǵa kóterilý úshin eki komandaǵa da jeńis aýadaı qajet edi. Máskeýdegi «Arena «Mytıshı» sport kesheninde ótken báseke á degennen asa tartysty bastaldy. Oıynnyń esebin 7-mınýtta «Barys» oıynshysy Davıd Sklenıchka ashqanymen, ekinshi kezeń bastalǵan bette «Kýnlýn» sapynan Nolan Moıl tarazy basyn teńestirip ketti – 1:1. Arada eki mınýt ótkende Mıhaıl Rahmanov «Barysqa» qaıta basymdyq syılasa, úshinshi kezeń aıaqtalar tusta Devın Brosso dáldik tanytyp, esepti 2:2-ge jetkizdi.
Sóıtip, oıynnyń negizgi kezeńi teń nátıjemen aıaqtalǵan soń, báseke overtaımǵa ulasty. Qosymsha ýaqytta da jeńimpaz komanda anyqtalǵan joq. Al býllıtter serııasynda «Barystyń» baǵy janyp, qatarynan ekinshi jeńisine qol jetkizdi – 3:2.
