Foto: ashyq derekkóz
Forýmǵa qatysýshylardyń qatarynda elimizge belgili ǵylym jáne qoǵam qaıratkerleri, sonyń ishinde Qazaqstan Respýblıkasy Prezıdenti janyndaǵy Adam quqyqtary jónindegi komıssııanyń tóraǵasy I.I. Rogov, AHQO sotynyń apparat basshysy Krıstofer Kempbell, MNU Qamqorshylyq keńesiniń múshesi A.A. Ahmetov, «Qazaqstandaǵy parlamentarızmdi damytý» qorynyń dırektory Z.Q. Battalova, Qazaqstan Respýblıkasy Parlamenti Májilisiniń depýtaty Ú.Sh. Shapaq, Adam quqyqtary jónindegi ulttyq ortalyqtyń basshysy S.P. Tursynbekova, Joǵary Sot Keńesi janyndaǵy Biliktilik komıssııasynyń tóraǵasy S.V.Sızınsev, «Fortune Partners» JShS basqarýshy dırektory D.A. Toqmýrzına jáne basqa da zertteýshiler men sarapshylar qatysty.
Maqsut Narikbayev University Provosty Sergeı Pen óz sózinde naryqta jańa kózqarastaǵy mamandarǵa degen suranystyń artqanyn atap ótti.
«Qazirgi ýaqytta saıası kontekst óte qatty ózgerip ketti. Sondyqtan jańa kózqarastaǵy mamandarǵa degen suranys artty. Al stýdentterimiz óz pozısııasyn qoǵamdyq ortada ashyq aıtýǵa mashyqtaný úshin biz sharany dıalog formatynda uıymdastyrdyq. Bul format stýdentterdiń basqa azamattarǵa, olardyń pikirlerine eliktemeı, máselelerge degen jeke pikir men kózqarastyń qalyptasýyna yqpal etedi», dedi ol.
Qazaqstan Respýblıkasy Prezıdenti janyndaǵy Adam quqyqtary jónindegi komıssııanyń tóraǵasy I.Rogov forým qatysýshylaryna egemendik alǵan kezeńdegi oqıǵalar týraly jáne ol oqıǵalarǵa óziniń qatysqany jaıyndaǵy estelikterdi aıtyp berdi. «Qazaq KSR-niń memlekettik egemendigi týraly Deklarasııa» qabyldanǵannan keıin ǵalymdar men zańgerler Respýblıkanyń jańa Konstıtýsııasyn ázirleýge kiristi, biraq 1991 jylǵy oqıǵalar zań traektorııasyn jańa baǵytqa ózgertti. Igor Ivanovıch óz sózin: «Egemendik týraly deklarasııa bolmasa, táýelsizdik te bolmas edi», dep túıindedi.
Forýmǵa qatysýshylar búgingi Qazaqstandaǵy oqıǵalar jastarǵa eldiń damý úderisterine belsendi úles qosý múmkindigin beretin mańyzdy betburys degen qorytyndyǵa keldi.
