Baǵalanǵan eńbek

Jınalǵandardy quttyqtaǵan Májilis tóraǵasy byltyr 25 qazan Memleket basshysynyń usyny­sy­men Respýblıka kúni retinde qaıta jańǵyryp, oǵan ulttyq mereke mártebesi beril­genin atap ótti.

– Respýblıka kúni – Qazaq­stannyń derbes memleket retinde qalyptasa bastaýynyń birin­shi baspaldaǵy. Ol – bizdiń Táýel­siz­digimizge jasalǵan tarıhı qadam. Bul – ultty uıys­tyratyn, patrıotızmge tár­bıeleıtin, elimizdi jańa jetis­tikterge jeteleıtin meıram, – dedi E.Qoshanov.

Májilis tóraǵasy Respýb­lıka kúniniń qaıta jańǵyrýy, shyn máninde, aqjoltaı oqıǵa bolyp, sodan beri elimizde kóp­tegen irgeli ózgeris bolyp jat­qanyna toqtaldy.

– Segizinshi saılanǵan Par­la­ment Májilisiniń depý­tattary retinde biz Prezı­denti­­mizben birge ádiletti Qazaq­standy qa­lyp­­tas­tyrý jolyn­da eńbek etemiz. Depý­tat­tyq korpýs ókilderi sol refor­malardyń basy-qasynda bolyp kelemiz. Parlamentte tarıhı zańdar men el taǵ­dyryn aı­qyndaıtyn mańyzdy qujattar qabyldaýmen aınalysyp otyrmyz, – dedi Palata tóraǵasy.

Sonymen qatar Erlan Qoshanov Memleket basshysy da, halyq ta depýtattyq korpýstyń, jalpy, Májilistiń belsendi de tıimdi jumysyna joǵary baǵa berip otyrǵanyn aıtty.

Saltanatty jıynda Pala­ta tóraǵasy depýtattar men Máji­lis apparatynyń qyz­met­kerlerine Prezıdenttiń qut­tyqtaýy men alǵysyn jetkizip, Memlekettik nagradalardy tapsyrdy.

Memleket basshysynyń Jar­­lyǵymen «Parasat» ordeni­men Májilis depýtattary Er­murat Bapı, Erlan Barly­baev, Erke­­bulan Mámbetov mara­pat­­tal­­dy. Al depýtattar Nur­lan Áýes­baev, Snejanna Ima­sheva, Iýlııa Ký­chınskaıa, Ma­ger­­ram Mager­ra­m, Ar­daq Nazarov, son­daı-aq Máji­lis Apparatynyń bó­­lim meń­gerý­shileri Záýre Iman­ber­­­genova men Maırash Kóz­jano­va «Qurmet» ordenimen marapattaldy.

«Qazaqstannyń eńbek sińir­gen qaıratkeri» qurmetti ataǵyn Qazybek Isa aldy. «Eren eńbegi úshin» medali Májilis depýtattary Erlan Ábdıev, Oljas Quspekov, Tańsaýle Serikov jáne Májilis Apparatynyń bólim meńgerýshileri Muhtar Ibraımov pen Qonysbaı Túsipjanovqa tabystaldy.

Erlan Qoshanov Májilis Apparaty men Materıaldyq-tehnıkalyq qamtamasyz etý basqarmasy qyzmetkerlerine Májilis tóraǵasynyń Alǵys­hattaryn tapsyrdy.