Sonymen qatar 450 kelige jýyq sıntetıkalyq esirtki tárkilenedi.
Zańsyz aınalymnan alynǵannan keıin olardy ne isteıtinin IIM esirtki qylmysyna qarsy is-qımyl departamentiniń bastyǵy Qajyǵalı Imajanov aıtyp berdi.
– Tárkilengen esirtki dereý saraptamaǵa jiberiledi. Sol úshin olardyń ár partııasynan osy esirtkiniń asa úlken mólsherine teń úlgi alynady. Ol qylmystyq iske qosylyp, zattaı aıǵaqtar kamerasyna tapsyrylady. Qalǵan esirtki polısııa, prokýratýra jáne densaýlyq saqtaý organdary qyzmetkerleriniń qatysýymen mindetti foto jáne beıne túsirilim jasala otyryp, komıssııalyq túrde joıylady. Sot úkimi kúshine engennen keıin is boıynsha dáleldemeler retinde ótip jatqan esirtki úlgileri de joıylady, – dedi Imajanov.
Spıkerdiń sózinshe, esirtkini joıý arnaıy jabdyqtalǵan peshterde júrgiziledi. Qalǵan kúl hımııalyq óńdeýden ótedi, bul olardy tolyǵymen joıýǵa múmkindik beredi.
– Joıylǵanǵa deıin polısııa tárkilengen esirtkini qorǵaýdyń kúsheıtilgen sharalaryn qabyldaıdy. Bul ásirese quramynda esirtki bar ósimdikterdiń salmaǵy bir fakti boıynsha jeti tonnaǵa jetýi múmkin jáne esirtkiniń mundaı kólemin zattaı aıǵaqtar kamerasynda saqtaý múmkin bolmaıtyn kezde, ósirilgen qarasora daqyldaryn joıý kezinde erekshe mańyzdy, – dep atap ótti departament bastyǵy.
Mysaly, qyrkúıek aıynda Pavlodar oblysynda esirtkige qarsy kúresýshi polıseıler 60 keliden astam aýǵan geroınin tárkiledi – bul elimizdiń ishki qara naryǵyndaǵy sońǵy jyldardaǵy rekordtyq partııa. Onyń quny 915 mln teńgeden asty.
Osy táýekelderdi eskere otyryp, polıseılermen qylmyskerler ustalyp, geroın tárkilengen sátten bastap arnaıy maqsattaǵy jaýyngerler tartyla otyryp, kúzet uıymdastyryldy. Esirtki joıý ornyna da kúsheıtilgen áskerılendirilgen kúzetpen jetkizildi.
Vedomstvoda túsindirilgendeı, qazir sıntetıkalyq esirtkiniń jasyryn óndiristerinen alynatyn prekýrsorlardy joıý ózekti bolyp otyr. Osy jyldyń 9 aıynda esirtki óndirisinde qoldanylatyn 79 tonnadan astam hımıkattar tárkilendi.
Nashaqorlyqqa jáne esirtki bıznesine qarsy kúres jónindegi 2023-2025 jyldarǵa arnalǵan keshendi josparǵa sáıkes 2024 jyldyń birinshi jartyjyldyǵynda qylmystyq ister boıynsha zattaı aıǵaqtar retinde tárkilengen prekýsorlardy, ýly zattardy jáne basqa da hımııalyq ónimderdi qaýipsiz joıý úshin ónerkásiptik sýbektilerge óteýsiz negizde berý algorıtmderi ázirlenetin bolady.
