Foto: Polisia.kz
Oqıǵa 23 qazan saǵat túngi 02.00-de Aqtóbe qalasyndaǵy meıramhanalardyń birinde bolǵan. Meıramhanaǵa tamaqtanýǵa kelgen 28 jastaǵy kásipker jigit daıashynyń qyzmetine kóńili tolmaǵan. Máseleni sheshý úshin ol menedjerdi shaqyrtqan. Ári qaraı mán-jaıdy talqylaý barysynda ashýǵa mingen kelýshi jigit jas menedjerdi betinen uryp qulatqan.
«Soqqy saldarynan 21 jastaǵy jigit ıeginen jaraqat alyp, aýrýhanaǵa júgindi. Tártip saqshylary kúdiktini anyqtap, polısııa bólimine jetkizdi. Buzaqylyq deregi boıynsha Qazaqstan Respýblıkasy Qylmystyq kodeksiniń 293-babynyń 1-bóligimen qylmystyq is qozǵalyp, sot-medısınalyq saraptama taǵaıyndaldy. Tergeý júrgizilip jatyr», delingen málimette.
