Orda.kz tilshisiniń málimetinshe, Tarazdaǵy kópsalaly aýrýhananyń eki akýsherine aıyp taǵylǵan. Olar aldyn ala sóz baılasý arqyly bir top adamǵa kámeletke tolmaǵandardy saýdalaǵan. Tergeý barysynda anyqtalǵandaı, ótken jyldyń qarasha aıynda 35 jastaǵy áıel júktiliginiń jetinshi aıynda túsik jasatqysy kelgen, sottalýshy dárigerler ony toqtatqan. Nátıjesinde aıaǵy aýyr áıel nárestesin dúnıege ákeledi, biraq ony tamaqtandyrýdan bas tartyp, medısınalyq mekeme qyzmetkerlerinen balany alyp ketýdi talap etken.
Áıeldiń jaǵdaıyn otbasynan jasyrǵanyn túsingen B náresteni satýǵa kómek surap áriptesi Iý-ǵa habarlasady. О́zderiniń qylmystyq nıetin júzege asyrý úshin akýsherler aldyn ala sóz baılasyp, bir top adamǵa sábıdi 1,5 mıllıon teńgege satpaq bolǵan.
Alaıda bul iske quqyq qorǵaý organdary aralasty. Keıbir málimetterge sáıkes, satyp alýshy balany zańdy túrde óz famılııasyna tirkeýge tyrysqan. Bul rette barlyq tólem somasynyń bir mıllıony bıologııalyq anaǵa berilýi kerek bolsa, 500 myńy qujat rásimdeýge jumsalady dep josparlanǵan. Sábıdi satyp alýshy, rastalmaǵan derekter boıynsha, on jyl boıy óz betinshe balaly bolýǵa tyrysqan.
Aıyptalýshylardyń kinási jábirlenýshiniń zańdy ókiliniń, kýálardyń aıǵaqtarymen, saraptamalyq qorytyndylarmen jáne zattaı dáleldemelermen obektıvti túrde rastaldy. Dárigerler 8 jylǵa bas bostandyǵynan aıyryldy. Bala taǵdyryn sot sheshkenshe balalar úıinde bolady. Úkim áli zańdy kúshine engen joq.
