Jergilikti «Ýrales» sport kesheninde uıymdastyrylǵan báseke aıdyn ıeleriniń aıqyn basymdyǵymen aıaqtaldy. Birinshi kezeńde «Avtomobılıst» sapynan «Barystyń» eks-oıynshysy Djessı Bleker men Danıl Romansev mergendik tanytsa, ekinshi kezeń bastalǵan bette Sergeı Zborovskıı tablodaǵy kórsetkishti 3:0-ge jetkizdi. Arada kóp ýaqyt ótpeı Maksım Mýsorov esep aıyrmasyn qysqartqanymen, úshinshi kezeńde Alekseı Makeev pen Anatolıı Golyshev dáldik tanytyp, «Avtomobılıske» aıqyn basymdyq syılady. Matchtyń sońǵy mınýttarynda «Barys» komandasynan Raılı Barber óz atyn tabloǵa jazdyrdy. Qorytyndy esep – 5:2.
Elordalyq klýb kelesi kezdesýin búgin «Barys Arenada» Mınskiniń «Dınamosymen» ótkizedi.
