Foto: ashyq derekkóz
Anasynyń vıdeoúndeýi Kozachkov offside paraqshasyna jarııalanǵan.
«Qylmysker áli tabylmady. Sebebi ne? Tergeý jumysynyń nasharlyǵy ma, álde halyqaralyq mektep elimizdiń zańyna baǵynbaı ma?», dep muńyn jetkizdi balanyń anasy.
Ol bul vıdeony túsirip, Ishki ister mınıstri Erjan Sádenov pen Bas prokýror Berik Asylovqa habarlasyp jatqanyn, sebebi memlekettik organdarǵa joldaǵan resmı saýaldaryna áli jaýap almaǵanyn da aıtty.
«Balalar zardap shekpeýi úshin qylmyskerdi men tabýym kerek pe? Men qarapaıym qazaq áıelimin, meniń eshqandaı «tanystarym» joq. Shynymen de ádil tergeýden bas tarta ma? Nelikten qylmyskerdiń bostandyqta júrgenine eshkim alańdamaıdy?», dedi áıel.
Almaty polısııa departamentiniń baspasóz qyzmeti atalǵan fakti boıynsha qylmystyq isti tergeý basqarmasy Qylmystyq kodekstiń 121-baby, 3-1-bóligi «Seksýaldy sıpattaǵy zorlyq-zombylyq áreketteri» boıynsha tergep jatqanyn málimdedi.
«Komıssııa sot-medısınalyq saraptama júrgizdi. Onyń qorytyndysy alyndy. Sonymen birge istiń obektıvti mán-jaıyn anyqtaý maqsatynda tergeý sarapshylarǵa qosymsha saraptama taǵaıyndady. Ol ázirge azamatsha P.-nyń ulyn saraptamadan ótkizýge qulyqsyzdyǵynan múmkin bolmady», delingen qalalyq PD baspasóz qyzmeti taratqan habarlamada.
Sotqa deıingi tergep-tekserý QR Ishki ister mınıstrligi men Polısııa departamenti basshylyǵynyń baqylaýynda ekeni aıtyldy.
