Azııa Para oıyndarynda 20-ǵa jýyq para dzıýdoshymyz óner kórsetip, 3 altyn, 4 kúmis jáne 7 qola júldege ıe boldy. Olardyń ishinde elorda sportshylarynyń sapynan Aqmaral Naýatbek Qazaqstan tarıhynda dzıýdodan Azııa Para oıyndarynda alǵashqy altyndy aldy. Sondaı-aq J1 sanatyndaǵy Erǵalı Shameı 73 kelide qarsylas shydatpady. Al Asylan Nurdaýletov kúmis júldege qol sozsa, Baýyrjan Arstanbekov qolany mise tutty.
«Azııa Para oıyndarynǵa tyńǵylyqty daıyndyqty Almaty oblysynda ótkizdim. Keıingi jyldary salmaǵymda básekelestik qatty kúsheıip keledi. Eki dúrkin álem chempıony bolsam da basty qarsylastarym О́zbekstan, Qytaı sportshylary dep sanaımyn. Sondyqtan Azııa Para oıyndarynda men úshin chempıon bolý ońaı bolmady. Ásirese alań qojaıynymen ótken fınaldyq beldesý qıynǵa soqty. Bastapqy sekýndtarda aýyrtý ádisine túsip qalsam da der kezinde bosap shyqtym. Endi alda Japonııada ótetin gran-prı jarysyna qatysyp, Parıj Paralımpıadasynda chempıon bolý úshin jattyǵý jumystaryna kirisemin», dedi Azııa Para oıyndarynyń chempıony Aqmaral Naýatbek.
Para dzıýdodan ulttyq qurama Azııa para oıyndarynda medaldik esepte 2-orynǵa ornyqty. Birinshi orynda 5 altyn, 2 qola jáne 4 kúmis medalmen Qytaı tursa, úshinshi orynǵa 2 altyn 1 kúmis, 3 qola medalmen Iran turaqtady.
