Foto: ashyq derekkóz
Qaıǵyly oqıǵa Yntymaq-2 shaǵyn aýdanynda boldy.
«QazTransGaz» AQ baspasóz qyzmetiniń málimetinshe, oqıǵa deıin júrgizilgen qaýipsizdik reıdteri kezinde gazshylar qazandyqtyń jaı-kúıin kórip, bul úıdi gazben jabdyqtaýdan ajyratqan. Úı ıesi gazǵa óz erkimen qosyldy. Polısııada «órt sóndirýshiniń qaýipsizdik talaptaryn buzý» baby boıynsha is qozǵaldy.
«Búgin Shymkent qalasyndaǵy jer úılerdiń birinde kómirtegi totyǵymen ýlaný belgileri bar 5 adamnyń denesi tabyldy. Oqıǵa ornyna jedel-tergeý toby shyqty. QR QK 292-babynyń 3-bóligi boıynsha qylmystyq is qozǵaldy. Tıisti saraptamalar taǵaıyndaldy», delingen Shymkent PD baspasóz qyzmeti taratqan aqparatta.
Shymkent qalasynyń ákimi Ǵabıt Syzdyqbekov barlyq jedel qyzmet kórsetý mekemeleri oqıǵa ornyna shuǵyl jetkenin habarlady.
«О́z tarapymyzdan barlyq qajetti qoldaý kórsetemiz.
Tótenshe jaǵdaılar departamentine, gaz berý qyzmetterine, aýdan ákimdikterine kópqabatty jáne jeke sektorlardaǵy gaz jabdyqtaryn baqylaý maqsatynda keshendi tekserý júrgizýdi tapsyrdym. Odan bólek, peshpen jylytý qoldanylatyn úıler de tekseriledi», dedi ákim.
Sondaı-aq ákim qala turǵyndaryn páterlerde, jeke úılerde gazdy paıdalaný kezinde qaýipsizdik tehnıkasyn qatań saqtaýdy surady.
