Otyrar.kz saıtynyń jazýynsha, oqys oqıǵa qaladaǵy restobarlardyń biriniń aldynda boldy.
Kúdikke ilingen adam 54 jastaǵy er kisiniń bas tusynan birneshe ret tepken. Jedel járdem qyzmetkerleri er adamdy aman alyp qala almady.
«Tekserý kezinde eki er adamnyń arasynda týyndaǵan janjal barysynda jábirlenýshi basynan alǵan soqqydan kóz jumǵany anyqtaldy. Atalǵan jaıt Qylmystyq kodekstiń 106-babynyń 3-bóligimen (Abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirý) tirkeldi», delingen polısııa usynǵan aqparatta.
Jedel ýákilder 42 jastaǵy kúdiktini qamaýǵa aldy. Qajetti sot-medısınalyq saraptamalar taǵaıyndalyp, tergeý sharalary júrgizilip jatyr.
