Foto: primeminister.kz
Onyń quramyna Premer-mınıstrdiń birinshi orynbasary Roman Sklıar, Tótenshe jaǵdaılar mınıstri Syrym Sháriphanov, Ishki ister mınıstri Erjan Sádenov, Densaýlyq saqtaý mınıstri Ajar Ǵınııat, Eńbek jáne halyqty áleýmettik qorǵaý mınıstri Svetlana Jaqypova, О́nerkásip jáne qurylys mınıstri Qanat Sharlapaev, quqyq qorǵaý organdarynyń, Qaraǵandy oblysy ákimdiginiń, eńbek ınspeksııasynyń, «Qorǵaý» kómir óndirýshiler kásipodaǵynyń ókilderi jáne taǵy basqalar kirdi.
«Shahtadaǵy órttiń saldarynan toptyq jazataıym jaǵdaıdyń sebepterine jan-jaqty tergeý júrgiziledi. Sonymen qatar keltirilgen zalaldy baǵalaý, zardap shekkenderge jáne qaza tapqandardyń otbasylaryna alǵashqy kómek kórsetý jóninde sharalar qabyldanady», delingen habarlamada.
Sondaı-aq Úkimet «ArselorMıttal Temirtaý» AQ aksıonerlerimen aldyn ala ýaǵdalastyqqa qol jetkizgenin jáne kásiporynnyń menshik quqyǵyn Qazaqstan paıdasyna berý týraly kelisimshartty rásimdeý aıaqtalyp qalǵanyn habarlady.
