Foto: Qaraǵandy oblysy ákimdigi
«252 kenshiniń 208-i jer betine shyǵaryldy, olardyń 18-i medısınalyq kómekke júgindi. Shahtada 23 kenshi qaldy. 21 shahterdiń máıiti tabyldy. Izdeý-qutqarý jumystary jalǵasyp jatyr», delingen habarlamada.
Kostenko atyndaǵy shahtada bolǵan oqıǵaǵa baılanysty «ArselorMıttal Temirtaý» AQ TJM jáne Qaraǵandy oblysynyń TJ Departamentinde aqparattyq jáne psıhologııalyq qoldaý úshin jedel jeli telefondary jumys isteıdi (8-7172) 70-41-08, (8-7212) 51-72-23, 49-72-70.
Prezıdent Úkimetke «ArselorMıttalTemirtaý» kompanııasymen ınvestısııalyq yntymaqtastyqty toqtatýdy tapsyrdy.
Bas Prokýratýra Kostenko shahtasyndaǵy órt faktisi boıynsha taý-ken nemese qurylys jumystaryn júrgizý kezinde qaýipsizdik qaǵıdalaryn buzý baby boıynsha sotqa deıingi tergep-tekserýdi bastady.
Memleket basshysynyń tapsyrmasyna sáıkes Premer-mınıstr Álıhan Smaıylovtyń tóraǵalyǵymen Qaraǵandy oblysynda «ArselorMıttal Temirtaý» AQ-nyń Kostenko atyndaǵy shahtasynda oryn alǵan apattyń sebepterin tergeý jáne onyń saldaryn joıý jónindegi Úkimettik komıssııa quryldy.
