Rejısserdiń ózi akkaýntynda fılmniń kadrlaryn jarııalap, jankúıerleri men kópshilikke qýanyshty jańalyǵyn jarııalady.
«QASh» tolyqmetrajdy fılmimniń Camerimage festıvalinde úzdik debıýttik jumys ataǵyna usynylǵanyn qýana habarlaımyn», - dep jazdy Seıitov.
Camerimage halyqaralyq kınematografııa festıvali — polıak baıqaýy. Ol kınematografıster shyǵarmashylyǵyn sarapqa salýymen erekshelenedi. 1993 jyldan beri jyl saıyn ótkiziledi. Festıvaldiń bas júldesi – «Altyn baqa».
Osy jazda Aısultan Seıitov Shanhaı halyqaralyq kınofestıvalinde «Úzdik rejısser» nomınasııasynda júlde aldy. Oǵan syılyq «QASh» kartınasynda jasaǵan jumysy úshin berildi.
