Gıstologııalyq zertteýmen aınalysatyn ınstıtýttyń ǵylymı qyzmetkeri Jazıra Sydyqovanyń aıtýynsha, jaǵdaıdy baǵalaý jáne synama alý úshin shuǵyl ekspedısııa jiberilgen.
Ǵalymdar kelgenge deıin 51 ólekse Baýtıno aýyly mańyndaǵy polıgonǵa aparylǵan. Onda, túbekte qatty ydyraý satysynda bekire balyqtarynyń 75 túri tabyldy.
Oqıǵa ornyna barǵan ınstıtýt qyzmetkerleri zertteý úshin balyqtar men ıtbalyqtardan synama aldy.
Qarajambas aýdanynda (Bozashy túbegi) Mańǵystaý oblysy boıynsha balyq sharýashylyǵy ınspeksııasy taǵy 48 ıtbalyq óleksesin taýyp alǵan.
«Eki ýchaskedegi ıtbalyqtardyń ólekseleri qatty ydyraý satysynda boldy. О́lekselerden kógergen nemese mehanıkalyq zaqymdaný izderi tabylǵan joq. Jappaı qyrylýdyń sebebi áli anyqtalǵan joq», dep túsindirdi Jazıra Sydyqova.
