Sút ımportyna táýeldilikti tómendetedi

Eske salsaq, Prezıdent Qasym-Jomart Toqaevtyń osy jyldyń qyr­kúıek aıyndaǵy Germanııaǵa sapary aıasynda Qazaqstannyń ońtústiginde mal sharýashylyǵy salasynyń qyzmet­ker­lerin oqytý jónindegi sút ortalyǵyn qurý týraly úshjaqty shartqa qol qoıyl­dy.

Jobany GFA Consulting Group GmbH (Germanııa), Qazaq agrotehnıkalyq ýnı­ver­sıteti jáne «Baıserke Agro» ǵylymı-óndiristik ortalyǵy (Qazaqstan) iske asyrýdy bastap ketti.

KFM baǵdarlamasynyń birinshi kezeńi barysynda Aqmola, Qostanaı, Pavlodar jáne Soltústik Qazaqstan oblystarynyń 16 qanatqaqty sharýashylyǵynyń tórt júzden astam mamandary oqytylyp, prak­tıkalyq jumys nátıjesinde sıyr­lardyń ónimdiligin arttyrýǵa, jemge taldaý júrgizýge, fermadaǵy jumys hattamasyn jasaýǵa jáne saqtaýǵa baǵyttalǵan birqatar shara ıgerilgen.

Al ońtústik oblystarda sút óndi­risi sala­syndaǵy biliktilikti arttyrý ju­mys­tary Almaty qalasynyń ma­ńynda ornalasqan «Baıserke Agro» oqý ǵylymı-óndiristik ortalyǵynyń baza­synda júrgiziledi. Osyǵan oraı, oqytý ortalyǵynyń ashylý saltanaty ótti. Sharaǵa qatysýshylar ortalyqtyń aımaq­taǵy sút óndirisin damytýǵa aıryq­sha yqpal etetindigin atady.

Agroholdıng oqýǵa qatysýshylardy 30 oryndyq daıyn jataqhanasy bar ınfraqurylym, ashana, teorııadan ótý úshin oqý synyptary, praktıkalyq daǵdylardy alý úshin saýýdyń zamanaýı túrleri bar sút-taýar fermasymen qamtamasyz etedi.

Ortalyqtyń jumysy KFM baǵdarla­ma­synyń jetekshisi Ýve Veddıgeniń jetekshiligimen júzege asyrylady. Orta­lyqtyń áleýetti kontıngenti – agrar­lyq ýnıversıtetterdiń túlekteri men stýdentteri, sondaı-aq sharýa qojalyq­ta­rynyń mamandary. Oqytý – kadr tapshylyǵyn qysqartýǵa, jańa jáne jumys istep turǵan sút fermalarynda personaldyń biliktiligin arttyrýǵa, sondaı-aq sút óndirisinde jumys isteýge jastardy tartýǵa yqpal etpek.

Sút óndirisi salasynda praktıka­lyq daǵdylardy ıgerý, sharýa qojalyq­ta­ry­nyń rentabeldiligin arttyrýmen qatar, qaıta óńdeý kásiporyndaryna ótkizý úshin sút sapasyn jaqsartýdy maqsat etken joba­nyń júzege asýy memlekettiń sút ımportyna táýeldiligin 39 paıyzdan 11 paıyzǵa deıin tómendetedi degen senimde.

Oqý ortalyǵynda jekelegen sút fer­malarynyń (qanatqaqty) tehnıkalyq jáne basqarý personalynyń, sondaı-aq jergilikti konsýltasııalyq qyzmet kórsetýshiler men mamandandyrylǵan mekemelerdiń biliktiligin arttyrý jos­parlanýda. Qanatqaqty ferma qyz­metkerleri uzaqmerzimdi perspek­tıvada sút óndirisin ulǵaıtý maq­satynda zamanaýı, turaqty jáne jan­ýar­lardyń ál-aýqatyna, óndiris­tik jú­ıe­lerge ba­­ǵyttalǵan ınvestısııalar­dy jos­parlaý jáne iske asyrý bo­ıynsha ke­ńester ala alady. Soǵan sáıkes maman­dan­dy­rylǵan semınarlar, prak­tı­kalyq kýrs­tar, taǵylymdamalar men trenıngter uıymdastyrylatyn bolady.

Almaty oblysy