Ádil, taza tergeý júrip, kináli basshylar jaýapqa tartylýy kerek. О́ıtkeni keshegi Lenın, Abaı kenishterindegi oqıǵa kóptiń jadynan shyǵa qoıǵan joq. Biz buryn qala ishindegi shahtalarda qaýipsizdik qatań saqtalady dep oılaıtynbyz. Munymyz beker eken. Qazir kenishtegi basqa da shahterlerdiń denesi tabylsa, odan ári apattyń sebep-saldary tolyq zerdelenedi. Apattyń neden jáne qalaı bolǵany anyqtalady.
Iá, shahterlerdiń áleýmettik ahýaly týraly buǵan deıin de talaı márte aıtqanbyz. Sony túsinetinder bolsa? Shahtada jumys isteýdi aıtpaǵanda, bir túskenniń ózi qaýipti. Al kúnde baryp jumys isteý degenniń qandaı bolatynyn kenshiler biledi. Kenshiler «jumystyń mashaqatyn shahtany bilmeıtin, shahtaǵa túspegen adamdar túsinbeıdi» dep durys aıtady. Jer astynda ekiniń biri jumys isteı almaıdy. Men ózim birneshe shahtaǵa túsip, shahterlerdiń jumysyn kórdim. Sonda bizben birge túsken keıbir azamattardyń tynysy tarylyp, úreılengenin baıqaıtynmyn. Osyǵan deıin Prezıdent Joldaýynda shahterler 55 jasqa tolǵanda zeınetke shyǵýy kerek ekenin aıtqan edi. Meniń oıymsha, Úkimet osy zańdy qaıta qaraıtyn bolar. Shahtada jaraqat alyp, arbaǵa tańylǵandardyń tólemine, sosyn shahterlerdiń zeınetke shyǵýyna qatysty máselelerdi eskerip, joba daıyndap, shuǵyl qaraıtyn shyǵar. Prezıdent keshegi oqıǵadan keıin Úkimetke tıisti tapsyrma júktegenin aıtty. Osydan soń kóp uzamaı tıisti baǵdarlama qabyldap, Parlamentke jiberip, jumysty qarqyndy bastaý kerek. Qalaı degende de qanshama kenshi osy jumyspen otbasyn asyrap otyr ǵoı. Jumys ornyn da keshiktirmeı ashý qajet. Endi kóp uzamaı Úkimetten qandaı sheshimder qabyldanatynyn bile jatarmyz.
Orta eseppen jerdiń astynda eńbek etetin kenshiler 450 myń teńge mólsherinde jalaqy alady eken. Munda ár jumysshynyń tabysy eńbek ótiline, mamandyǵyna qaraı belgilenetini belgili ǵoı. Biraq ortasha eńbekaqynyń kólemine qarap, kenshilerdiń alyp otyrǵan jalaqysy kóp dep aıta almaımyn. Oqıǵadan keıin qurylǵan Jedel shtab quramynda Úkimet músheleri, jergilikti atqarýshy organdar, quqyq qorǵaý organdarynyń qyzmetkerleri bar. Keshe túnge deıin shtabta otyrdyq. Múmkin apattan aman qalǵandar tabylar dep úmittendik. Biraq, ókinishke qaraı, jaǵdaı biz oılaǵandaı bolmady. Ázirge biz Qaraǵandydamyz. Áriptesimiz, Májilis depýtaty Arman Qalyqov ta osynda. Ol – sonda eńbek jolyn shahter bolyp bastap, bas dırektorlyqqa deıin kóterilgen azamat. Endi Úkimet qandaı joba ázirleıtinin, Prezıdenttiń tapsyrmasy qalaı oryndalatynyn kútemiz. Bastysy, bul másele jedel ári naqty sheshilýi kerek dep oılaımyn.
Qudaıbergen BEKSULTANOV,
Parlament Májilisiniń depýtaty
