KО́RERMEN KО́ZAIYMYNA AINALǴAN 50 JYL

Batys Qazaqstandaǵy kósh­basshy telearna – “Qazaqstan” teleradıo  korporasııasynyń Aqtóbe oblystyq fılıaly  óziniń 50 jyldyq mereı­to­ıyn aýdan­dardaǵy kúnderin ót­ki­zýmen atap ótýdi sheshken-di. Aý­dan­dyq ákimdik pen “Qazaqstan-Aq­tóbe” telearnasy birigip uıymd­as­tyrǵan “50 jyl sizdermen bir­gemiz” atty merekelik  shara  Oıyl óńi­rinen bastaý aldy. Aýdan ákimi Muh­tar Jumaǵazıev “Qazaqstan-Aqtóbe” telearnasynyń ujymyn mereı­toı­larymen quttyqtady, shy­ǵar­ma­shylyq tabys tiledi.Ol “Sha­m­shy­raq-Aqtóbe” JShS dırektory, bel­gili aqyn Meıirhan Aqdáý­letulyn “Sabaqty ıne sátimen” degendeı, 60 jasqa tolýymen quttyqtap, ıyǵyna shapan japty. Aýdandyq mádenıet úıinde kórermendermen kezdesý ótkizilip, onda oblystyq teledıdardyń qalyptasýy men búgingi izdenisteri týraly beınefılm kór­setildi. Qazir “Qazaqstan-Aqtóbe” tele­arnasy – ózindik qoltańbasy qalyptasqan úlken shyǵar­ma­shylyq ujym. Onyń tizginin isker basshy  Raýken Otyn­shın  usta­ǵaly beri jańasha jumys isteýdiń, shyǵarmashylyq izde­nistiń kók­jıegi keńeıip, burynǵydan góri de bıikten kórine bastady. Budan eki jyl buryn “Qazaqstan” tele­vı­zııa­synyń 50 jyldyǵyn merekeleý kezinde “Altyn mıkrofonǵa” ıe  bol­ǵan ujymnyń “Sapar”, “Ana tilim – baba tilim”, “Aqtóbem – al­tyn besigim”, “Biz aıtpasaq, kim aı­tady” jáne basqa habarlary kórer­men­der kózaıymyna aı­naldy. Buryn oblystyń eldi mekenderine táý­ligine bir saǵat  habar tara­ty­la­tyn bolsa, aldaǵy ýaqytta oblys­tyń 112 eldi mekenine, ıaǵnı oblys aýmaǵynyń 98 paıyzyna tara­ty­latyn ha­barlar  ýaqytyn 14 saǵatqa deıin arttyrý jumystary júzege asyrylýda. “Qazaqstan” teleradıo kor­pora­sııasy Aqtóbe oblystyq fılıa­ly­nyń  dırektory Raýken Otynshın oblys ákimi Eleýsin Saǵyndyqovqa osy máseleni sheshýde qarjylaı qol­daý kór­setkeni úshin rıza­shy­lyǵyn bildirdi. Qazir oblystyq tele­ar­nada osy zamanǵy jaryqtandyrý qon­dyrǵylarymen jaqsy jab­dyq­talǵan 6 stýdııa bar. Munda sondaı-aq, sońǵy jyldary jyljymaly tele­vızııalyq stansa satyp alynǵan. Ol oblystyń kez kelgen jerinen ti­keleı habar berýge múmkindik beredi. Oblystyq telearnanyń Oıyl aýdanyndaǵy kúnderi aıasynda kezinde Aqtóbe oblystyq tele­arnasynyń qazaq redaksııasynyń bas redaktory bolǵan oıyldyq jýrnalıst Jandaı Táýkebaev atyndaǵy júldeniń jeńim­pazdary belgili jýrnalıst Idosh Asqar, “Oıyl” gazetiniń re­daktory Serikbaı Qoıbaǵarov marapat­taldy. Telearna basshysy Raýken Otynshın merekelik sharaǵa qatysyp otyrǵan Jandaı Táýke­baevtyń jary Gúljan Táýke­baevaǵa syı-sııapat jasady. Merekelik shara elimizge belgili ánshiler Qanat jáne Sveta Aıtbae­vtar bastaǵan bir top óner sheber­leriniń ásem ánderimen ádipteldi. Oıyl aýdanynyń ákimi Muhtar Jumaǵazıev ózderindegi “Altyn mıkrofondy” Qobda aýdanynyń ákimi Lıýbov Isma­ǵambetovaǵa saltanatty jaǵdaıda tapsyrdy. Ol estafetany qabyl­dap turyp, oblystyq tele­ar­nanyń 50 jyldyǵy bul óńirde de kórermenmen baılanysty nyǵaıtý baǵytynda ótkiziletinine sendirdi. Sóıtip, bıler sóz alyp, batyrlar tý ustaǵan Oıyl óńirinde ótken oblys­tyq telearnanyń kúni taǵylymy mol má­denı shara retinde kóp­shiliktiń kóńi­linen shyqty. Satybaldy SÁÝIRBAI, Aqtóbe oblysy.