Jumabek búgingi qyzmetine qol jetkizý úshin ol qyzmettiń túrli satysynan ótti. Serjant Jumabek Rahymov – Soltústik Qazaqstan oblysynyń týmasy. Bala kezden ulttyq ónerimiz aıtysqa qyzyǵýshylyq tanytyp ósti.
– Áli esimde, bala kúnimizde teledıdardan aıtys kóretin edik. Otbasymyzben kók jáshikke qadalamyz. Ákemiz ekeýmiz otyryp, talqylaımyz, sóılesemiz. «Qap, myna aqyn myna jerde bylaı deýi kerek edi. Myna uıqasy bylaı bolǵanda» degen qyzý áńgime. Anam – Almaty oblysynyń týmasy. Naǵashylarymnyń kóbi ónerge jaqyn. Dombyra tartý, aqyndyq boılarynda bar. Ákemniń ózi baıan, dombyra oınady. Aýyldyń birde-bir toıy ata-anamnyń áninsiz ótpeıtin. Men de bala kezimnen toıǵa shyǵyp, án oryndaımyn. О́zimniń óleńderimdi aıtamyn. Qysqasy sol kezden-aq aqyndyq joldy tańdaýǵa bel býdym, – dep áńgimesin bastady ulandyq sarbaz.
Aqyn bolam dep armandaǵan keıipkerimiz mektepte qazaq tili men ádebıetin, Qazaqstan tarıhy pánin tereńdete oqıdy. О́ńirden shyqqan jyraý, aqyndardyń shyǵarmashylyǵymen jaqynyraq tanysady. Berilgen bilimdi boıyna barynsha sińiredi. Nátıjesinde, Petropavl qalasyndaǵy daryndy balalarǵa arnalǵan oqý gımnazııasyna shaqyrylyp, oıdaǵydaı aıaqtaıdy. Mektepte bala aqyn atanyp, elimizdiń búkil óńirine jarysqa barǵan.
– Árıne, ómir taqtaıdaı tegis emes. Barlyǵy sen aıtqandaı birden bola bermeıdi eken. Alǵashynda aýdanaralyq, oblystyq aıtystarǵa shyqtym. «Jeńilissiz jeńistiń dámin bilmeısiń» demekshi, súringen kezder de boldy. Aǵattyqtarymnan sabaq alyp, kelesi aıtystarǵa daıyndalatynmyn. Ásirese maǵan aýyly aralas, qoıy qoralas Kókshetaý oblysynyń týmasy Baıanǵalı aǵa Álimjanov kóp yqpal etti. Ony telıdıdardan kórip, keıin áńgimelesip, aralasa júrip aǵaly-inili qarym-qatynasqa kóshtik. Kóp izdene júrip, oblystyń namysyn qorǵaıtyn aıtyskerlerdiń qataryn tolyqtyrdym. Buryn Petropavl qalasyndaǵy aıtysqa qatysatynmyn. Sol kezde Ulttyq ulan Áskerı ınstıtýtynyń atynan Medet Jeksenaı qatysyp júrdi. Ol dosym bir top komandasyn ertip, kórermendi kýrsanttarmen toltyryp, óz aýdıtorııasymen keletin. Sonda da meni uta almady. Keıin ony ózi de moıyndaǵan. О́mirdiń qyzyǵyn qarashy, qazir ózim osy Ulttyq ulan akademııasynyń namysyn aıtysta qorǵap júrmin, – dep aǵynan jaryldy Jumabek.
Jumabek aıtys óneriniń shyńyn baǵyndyrý jolynda júrgende áskerge shaqyrtý alady. Jel ótindegi, el shetindegi Kúrshim shekara jasaǵynan bir-aq shyǵady. Elimizge áıgili Katonqaraǵaı óńirinde azamattyq boryshyn atqarady. «Alqabek», «Qarashilik» shekara zastavalarynda júrip kınolog mamandyǵyn meńgeredi.
Áskerden kelgen soń Ulttyq ulannyń áskerı bólimderine jas jigitterdi kelisimshart negizinde jumysqa qabyldap jatqanyn estıdi. Áskerı bılet qaltasynda, birjyldyq daıyndyǵy bar Jumabek kóp oılanbaı el arasynda «Jamansopka» atalyp ketken QAJ mekemelerin kúzetetin 6637 áskerı bólimniń úshinshi jeke atqyshtar rotasyna qyzmetke ornalasady. Sol jerde bólimshe komandıri bolyp qyzmetin bastaıdy ári qaraı ózi qyr-syryn meńgergen kınolog mamandyǵy boıynsha eńbek etedi. Qarakemerdegi oqý quramasynda mamandyǵy boıynsha bilimin jetildiredi. Keıin 6636 áskerı bóliminiń Derjavınsktegi jeke atqyshtar rotasyna aýysady. Ol bólimshe jabylǵan soń, 6637 áskerı bóliminiń jedel maqsattaǵy rotasyna aýysady. Qandaı qyzmet atqarsyn ózin jaýapty áskerı qyzmetker retinde kórsetedi.
– Merzimdi qyzmetti atqarǵanda áskerı salanyń qyr-syryn tanyp-bildim. Jarǵyǵa saı jaýap berýdi meńgerdim. Keıin kelisimshartpen qaraýyl qyzmetine kiriskende tipti áskerı adamǵa aınaldym. О́ıtkeni qaraýyl qyzmeti úlken jaýapkershilikti talap etedi. Qaraýyl qyzmetinen keıin qoǵamdyq tártip pen qaýipsizdikti qamtamasyz etý boıynsha qyzmet túrine aýystym. Sonda da ózimniń aqyndyq ónerimdi birge alyp júrdim. Basshylyq ony baıqasa kerek, keıin maǵan Ulttyq ulan akademııasyndaǵy júrgizýshi qyzmetin usyndy. Búginde tolyq bir murajaıdy basqarýdy senip tapsyrdy. Bul da óte qyzyq ári jaýapty qyzmet, – deıdi ol.
Joǵaryda aıtyp ótkendeı, keıipkerimiz akademııa atynan, jalpy Soltústik Qazaqstan oblysynyń atynan aıtystarǵa qatysady. Bala kezinde armandaǵan maqsatyna qol jetkizdi. Birjan sal Qojaǵululyna arnalǵan respýblıkalyq aıtysta 1-oryndy ıelendi. Elimizdiń túkpir-túkpirinen kelgen kil myqty aqyndardyń arasynan jeńimpaz atandy. Almatyda ótken «Asyl dombyra» komandalyq aıtysynda Soltústik Qazaqstan oblysynyń namysyn jyrtyp, jaqsy jetistikterge qol jetkizdi.
– Artyńda eliń turǵanda, eldiń amanaty turǵanda aqynǵa qatelesýge bolmaıdy. Áskerı qyzmette de solaı. Adam balasy artynda eli, jeri turǵanyn sezingeni durys. Jaýapkershilik bar jerde nátıje bar. Jaýyngerlik rýhymyz myqty bolǵanda sózimiz salmaqty bolady, – dep óz oıyn aıaqtady Jumabek.
Daryn SEIITOV
