mpıadanyń (IPhO) kúmis júldegeri, Almaty qalasyndaǵy №165 mamandandyrylǵan lıseı oqýshysy Marǵulan Nursaǵatov tálimgerlerine alǵysyn bildirdi. «Fızıkanyń qyr-syryn úıretý úshin kúsh-jiger jumsaǵan muǵalimderime jáne meni qoldap kele jatqan ata-anama rahmet aıtamyn. Sondaı-aq elimizdiń bolashaǵyna – bizge senim artqany úshin Memleket basshysyna erekshe alǵysymdy bildiremin», dedi Marǵulan Nursaǵatov.
Oqý-aǵartý mınıstri jeńimpazdardy jetistikterimen quttyqtap, halyqaralyq olımpıadalarda júldeger bolǵan oqýshylardy qoldaý sharalaryna toqtaldy.
– Sizder elimizdiń kók týyn álemdik arenada joǵary kóterip, matematıka, fızıka, hımııa, bıologııa, geografııa, ınformatıka sııaqty irgeli ǵylymdar boıynsha laıyqty nátıjelerge qol jetkizdińizder. Bul ustazdardyń da orasan zor eńbegi, jetistigi dep bilemin. Memleket daryndy oqýshylarǵa jan-jaqty qoldaý kórsetip keledi. Byltyrdan beri halyqaralyq olımpıadalardyń jeńimpazdary men júldegerlerine, sondaı-aq olardy daıyndaǵan pedagogterge birjolǵy syıaqy tólene bastady. Bıyl álemdegi eń bedeldi 7 olımpıadada júldeger atanǵan 23 oqýshyǵa 65,5 mln teńge, al 20 pedagogke 6 mln teńgege jýyq aqshalaı syıaqy berildi. Bul sharalar, eń aldymen, olımpıadashylardyń bedelin arttyrýǵa jáne otandyq ǵylymnyń bolashaq juldyzdaryn qalyptastyrýǵa baǵyttalǵan, – dedi Ǵanı Beısembaev.
Aıta keteıik, altyn medalǵa – 1 500 aılyq eseptik kórsetkish, kúmis medalǵa – 1 000 aılyq eseptik kórsetkish, qola medalǵa 500 aıdyq eseptik kórsetkish mólsherinde aqshalaı syıaqy qarastyrylǵan. Altyn medal ıegerin daıyndaǵan pedagogke – bazalyq laýazymdyq jalaqynyń 26,5 eselengen mólsherinde, kúmis úshin bazalyq laýazymdyq jalaqynyń 17,5 eselengen mólsherinde, qola úshin bazalyq laýazymdyq jalaqynyń 8,5 eselengen mólsherinde syıaqy tólenedi.
