Máskeýdi dýmanǵa bólegen «Ál-Ákı»

«Ál-Ákı» ansambliniń Más­keýde ótken merekelik is-sharaǵa sha­qyrtý alýy kez­deısoq emes. Bı­yl qu­ryl­ǵanyna 30 jyl to­lyp otyrǵan óner ujymy re­­seılik jergilikti shy­ǵar­ma­shylyq ujymdarmen be­rik qa­rym-qatynas ornatyp úl­gergen. Reseılik óner­­paz­dar qatysqan talaı fol­klor­lyq festıvaldarda óner kórsetip, kópshiliktiń ys­­tyq yqylasyna bólengen. Er­tis-Baıan dalasyn án-jyrǵa qosqan dombyrashylar Máskeý tórindegi is-sharada shabyttaryn shalqytyp, erekshe kúsh-qýatpen sharyqtady.

«Osynaý saltanatty keshte elordadan barǵan «Shabyt» dombyrashylar ansamblimen birge sahnada óner kórsetip, shyǵarmashylyq qarym-qaty­nasymyzdy nyǵaıta túsýge negiz boldy. Bizdiń ujym Re­seı jerinde dom­byranyń qo­ńyr únin qashan pash etedi eken degen úmit bar edi. Sol maqsatymyz oryn­dalǵandaı. Sal­tanatty qabyldaýda bir­neshe memlekettiń Reseıdegi elshilikteriniń ókilderi boldy. Olar bizdiń dombyrashylar men ánshilerimizdiń ónerine tánti boldy», deıdi Pavlodardaǵy Es­taı atyndaǵy mádenıet sa­raıynyń basshysy Sapar Shaıhımov.

Aıtyp óteıik, «Ál-Ákı» folklorlyq-etnografııalyq ansambliniń kórkemdik jetek­shisi – Mádenıet qaıratkeri Jasqaırat Orynbaev. Me­re­kelik keshte dombyrashy­lar Qurmanǵazynyń «Bal­by­raýyny» men N.Tilendıevtiń «Ál­qıssasyn», ózge de ta­ny­mal kúılerdi sylqyldata tar­typ, qazaqtyń belgili án­derin oryndady.

Máskeýge shyǵarmashylyq sapary barysynda «Ál-Ákı» ha­lyqtyq-folklorlyq an­sambli ondaǵy Abaı eskert­kishine baryp, aqynnyń rýhyna taǵzym etti. Abaıdyń bul eskertkishi 2006 jyly Re­seıdegi Abaı jyly aıasynda, Qazaqstan elshiligine jaqyn jerde ashylǵan edi.

Máskeý