Qazaqstan Fransııanyń atom elektr stansalaryna qajetti ýrannyń jartysyn beredi. Shıki munaı jetkizý jóninen ekinshi orynda tur.
Fransııa – Qazaqstan úshin aımaqtaǵy áleýetti áriptes. Sondaı-aq KSRO ydyraǵannan keıin Qazaqstanmen strategııalyq áriptestik týraly kelisimge qol qoıǵan Eýropadaǵy alǵashqy memleket. Fransýa Mıtteran bul elge 1994 jyly at basyn tiregen alǵashqy Batys memleket basshysy boldy. 2014 jyly Fransııa Prezıdenti Fransýa Olland Qazaqstanǵa bardy. Prezıdent Qasym-Jomart Toqaev Fransııaǵa osydan bir jyl buryn, 2022 jyldyń qarashasynda kelgen edi.
Sheteldik ınvestısııany tartý úshin Qazaqstanda birneshe salyqsyz aımaq quryldy. Elde joǵary deńgeıdegi quqyqtyq jáne fıskaldyq turaqtylyq bar. Bul kásipkerlerdiń senimin arttyrady. Jumys kúshiniń áleýeti mol, halqynyń 40 paıyzy – 25 jasqa deıingi azamattar. Jaqyn kúnderi Qazaqstan halqynyń sany 20 mıllıonnan asqanyn jarııalamaq.
Astanaǵa saparlaǵan Fransııa delegasııasynyń quramynda Indýstrııa, syrtqy saýda mınıstrleri, sondaı-aq 15-ke jýyq kompanııa basshysy, sonyń ishinde «EDF», «Suez» jáne «Orano» bas dırektorlary bar. «Orano» Fransııanyń ýran qajettiliginiń 12 paıyzyn jáne álemdik óndiristiń 7 paıyzyn qamtamasyz etetin «Qazatomprommen» seriktese jumys isteıtin ýran kenishin basqarady.
«EDF» azamattyq atom energetıkasy men atom energııasyn óndirýdegi tájirıbesin tanystyrady. О́ıtkeni Qazaqstan AES salý máselesin referendýmǵa shyǵarady. «Suez» bas dırektorynyń Astanaǵa barýy basqa da kelisimsharttar jasalatynynan habar beredi.
Jan-Batıst JIRO,
«ÉconomieMatin» basylymy
