Mektep qurylysy turalap tur

Eńbekshiqazaq aýdanyna qa­ras­ty Tóle bı aýylynda jańa­dan salynyp jatqan mektep qurylysynyń maý­sym aıynan beri toqtap qalýy ustazdar men oqý­shy­lar­dyń qýanyshyn sý sepkendeı bas­qan. 600 orynǵa ar­nal­ǵan bilim oshaǵynyń qu­rylysy 2021 jyly bas­tal­ǵan.

«612 bala qazir 60 jyl buryn salynǵan mektepte oqyp jatyr. Kabınet je­tis­peıdi. Jattyǵý zalynda sportpen shuǵyldanýǵa múm­kindik joq. Ata-analar men ustazdardyń armany – jańa mektepke kóshý. Jańa mek­tep­tiń tezirek ashylýyna jan-jaqty qoldaý kórsetse eken», deıdi Tóle bı orta mektebiniń dırektory Qazı Ysqaqov.

Aýylǵa at basyn burǵan «Ama­nat» partııasynyń ókil­deri bul nysan partııa­nyń jiti baqy­laýynda ekenin aıt­ty.

«Mektep qurylysyna 1 mlrd 489 mln teńgeden asa qarjy bólingen. Bas merdiger sonyń ózi jetpeı qalǵanyn aıtady. О́ıtkeni jobanyń jalpy quny 3 mlrd teńgeden asady. Sondyqtan qurylystyń turalap qalǵanyn ja­syr­maıdy. Bul jumysty par­tııa músheleri baqylaýda us­ta­­maq», deıdi oblystyq partııa fı­lıa­lynyń tóraǵasy Qýat Baıǵodjaev.

Amanattyqtar aldaǵy ýa­qyt­­ta bilim jáne qurylys bas­­qar­ma­laryn fraksııa oty­ry­synda tyń­dap, qatań shara qolda­na­ty­nyn jetkizdi.

Sonymen qatar bul nysan týraly máseleni Májilis depýtaty, partııanyń ba­qy­laý komı­te­tiniń tóraǵasy Pavel Kazan­sev respýblıka kó­le­­min­de kóteretinin alǵa tart­qan.

Bul – óńirdegi birinshi má­se­­le emes. Mektep tapshy­ly­­ǵynan Qarasaı aýdanyna qarasty Dolan aýylynda 200 oqýshy jaldamaly jeke turǵyn úı ǵımaratynda oqýǵa májbúr. Sebebi eldi mekende mektep joq.

Dolandaǵy 70 oryndyq jal­ǵyz bastaýysh mektep byltyr apat­ty dep tany­lyp, jabylyp qalǵan. So­dan beri 202 oqý­shy jeke tur­ǵyn úılerdiń qýyqtaı bólme­lerinde úsh aýysymmen bilim alyp jatyr. Al joǵary synyp oqýshylary kórshi aýyl­dar­ǵa qatynap oqıdy.

Túıindi máseleni sheshý úshin bıyl munda «Amanat» partııa­synyń saılaýaldy baǵ­darlamasy aıasynda 1 200 oryn­dyq jańa mektep qury­ly­sy bastaldy.

«Endi osy mektep salyn­ǵan­­nan keıin aýyldyń prob­le­masy túbegeıli sheshiledi. Bú­gin­gi tańda aýdanda 8 mektep – úsh aýysymdyq. Muny joıý bo­ıynsha aýdanda úlken ister atqa­rylyp jatyr. 2023-2024 jyldary 10 mektep sa­lynady dep josparlap otyr­myz», dedi aýdandyq par­tııa fılıalynyń tóraǵasy Qanybek Aıtjanov.

Merdigerler mekteptiń qu­ry­lys jumystary aldaǵy jyl­­dyń qazan aıynda aıaq­tala­tynyna sendirdi.

«Bul jumystardy kók­tem­de ázirledik. Qurylys-montajdaý jumystary tamyz aıynda bastaldy. Biz sapaǵa asa qatty mán beremiz. Máselen, mundaǵy topyraq – borpyldaq. Qazir ony tyǵyzdap jatyrmyz. Sonda sa­lynyp jatqan ǵımarat ýaqyt óte shógip qalmaıdy. Ny­sandy merziminen keshik­tir­meı tapsyramyz», deıdi merdiger kompanııa ókili.

Aıta keterligi, bul – «Jaı­­ly mektep» jobasy aıa­syn­­­da salynyp jatqan zamanaýı bilim ordasy.

О́ńirde úsh aýysymdy jáne oqýshy ornynyń tap­shy­lyǵyn joıý maqsa­tyn­da byltyr 710 oryndyq 4 mektep salynyp, qoldanysqa berilse, bıyl 16 mekteptiń qu­rylysy júrgizilip jatyr. Onyń 9-y 1-qyrkúıekte paı­da­lanýǵa be­rildi.

Almaty oblysy