Aq amýr 30 kg-ǵa deıin salmaq qosady, tabıǵı ortada tez ósedi. Mamandardyń aıtýynsha, balyqtyń bul túri rezervýardyń sanıtary bolyp sanalady, artyq ósimdikterdi jep, toǵandy baldyrlardan tazartady.
«Búgin Esil ózenine eki jasar 100 myń aq amýr jiberildi. Balyq aýlaý úderisi balyq sharýashylyǵynyń ǵylymı-óndiristik ortalyǵynyń usynystaryna negizdeledi. Bul rette sý aıdyndaryndaǵy túrli araqatynastaǵy balyq sanyn ólsheýdiń ortasha statıstıkalyq nátıjeleri de qaperge alynyp otyrady», dedi Astana qalasynyń Esil oblysaralyq balyq sharýashylyǵy basseındik ınspeksııasy bóliminiń basshysy Jangeldi Qarabaev.
Balyq aýlaý boıynsha josparly jumysqa astanalyq Qorshaǵan ortany qorǵaý jáne tabıǵatty paıdalaný basqarmasy, Esil oblysaralyq balyq sharýashylyǵy basseındik ınspeksııasy, sý resýrstaryn paıdalanýdy retteý jáne qorǵaý jónindegi Esil basseındik ınspeksııasy, Aqmola oblysy boıynsha BD balyq sharýashylyqtary qaýymdastyǵy, «Balyq sharýashylyǵynyń ǵylymı-óndiristik ortalyǵy» JShS soltústik fılıaly, «Buqtyrma» ýyldyryq shashý jáne ósirý sharýashylyǵy» JShS qyzmetkerlerinen turatyn arnaıy komıssııa jumyldyryldy.
