Ulytaý oblysy mádenıet, tilderdi damytý jáne arhıv isi basqarmasy men «Qazaqtyń Ketbuqasy» qoǵamdyq birlestigi uıym- dastyrǵan kúıshiler sa-ıysyna Almaty, Aqtóbe, Qyzylorda oblystarynan, Astana qalasy men Qytaı Halyq Respýblıkasynan 19 kúıshi qatysty.
Eki kúnge sozylǵan baıqaýdyń 500 myń teńgelik bas júldesi astanalyq Bekzada Dostııarovaǵa buıyrdy. Almatylyq Ilııas Tursynbek pen astanalyq Maǵurlan Álken birinshi oryndy ıelendi. Ekinshi oryn úsh kúıshige berildi. Olar – astanalyq Ǵazıza Ǵarıfýllaqyzy, almatylyq Syrym Shonbaev jáne Qytaı Halyq Respýblıkasy, Shyńjań ólkesinen kelgen Kenjebek Doldauly. Shyńjań ólkesi, Ile Qazaq avtonomııaly oblysynan kelgen taǵy bir qandasymyz Edil Toılanuly, ulytaýlyq Dınara Saıdalına, astanalyq Baýyrjan Seıdáli jáne Temirhan Bıbitpen birge úshinshi oryndy bólisti.
Baıqaýǵa qatysýshylardyń eshqaısysy syı-sııapatsyz qaıtqan joq.
Dáýlesker kúıshi Seken Turysbekov:
– Esimi elge ańyz bolyp jetken Ketbuqa babamyzdyń sońynda qalǵan murasyn halyq arasynda keńinen nasıhattaýda osyndaı baıqaýlardyń kerektigi anyq. Osymen, ekinshi márte kúıshilerdiń «Aqsaq qulan» ataýymen Ketbuqa bı atyndaǵy Halyqaralyq baıqaýyn uıymdastyra bilgen azamattardyń isi ońǵa basa bersin, – degen tilegin jetkizdi.
Ulytaý oblysy
